نووچە

کەمپا ئێسیان، بەلاڤکرنا چادرێت نوو وەك ئامادەکرن بۆ زڤستانەکا گەلەک سار

 

ئێزیدی 24 _ لەیت حسێن

دەربازبوونا پێنج سالا لسەر ڤەکرنا کەمپێت ئاوارا ل سنوورێ پارێزگەها دهۆکێ و پێشوازیکرنا ئاوارا تێدە، و ئاوارێت ل ڤان کەمپا دا وێ ل سالەکا زڤستانا وێ سار و زەحمەت را دەربازبن کە وێ بە ئەگەرێ دڕیانا چادرا.

بۆردێ کاروبارێن مرۆڤایەتیێ ل سنوورێ پارێزگەها دهۆکێ (B.R.H.A)، و ل چارچۆڤێ هاریکاریێت وێ یێت بەردەوام ژ ئاوارا و پەنابەرا را رابوو ب دابینکرنا چادرێت نوو ژ ئاوارێت ئێزدی ل کەمپا ئێسیان را ل سنوورێ قەزا شێخان.

لدۆر ڤێ یەکێ دیار شێخانی رێڤەبەرێ کەمپا ئێسیان ژ “ئێزیدی 24” را پەیڤت و گۆت، کە دڕیانا چادرێت ئاوارا ل پتریا کەمپێت ل سنوورێ پارێزگەها دهۆکێ تشتەکێ بزەحمەتە لسەر ئاوارا ژبەر کە وەرزێ زڤستانێ ڤایە هات.

تەمامکر، وەک کارگێریا کەمپێ و سەرپەرشتیا بۆردێ کاروبارێن مرۆڤایەتیێ ل سنوورێ پارێزگەها دهۆکێ و ب هەماهەنگی ب رێڤەبەریا کۆچ و کۆچبەران تایێ دهۆك رابوون ب دابینکرنا چادرێت نوو ژ کەمپا ئێسیان ئا ئاوارا را کە هژمارا وان (3003) چادربوون.

خوەیاکر، کە ل رۆژا 5/11/2019 هەماهەنگی ل ناڤبەینا کارگێریا کەمپێ و رێکخراوا GIZ ئا ئەلمانی ل چارچۆڤێ بەرنامێ (Cash for Work) هاژ 40 کەسی را ل ناڤ کەمپێ دا هاتە کرن و بۆ هەیاما 40 رۆژی و ژ هەر کەسەکی را 25.000 هەزار دینار بۆ دەستپێکرنا هەوا گوهۆرینا هەموو چادرا وەک هاریکاریەک ژ ئاوارا را.

کەمپا ئێسیان ئا ئاوارا دکەڤیتە سنوورێ قەزا شێخان و هەموو نیشتەجیێت وێ ژ ئاوارێت ئێزدی نە کە هژمارا وان 2470 مالێت ئاوارێت ئێزدی یە ژ شنگالێ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close