راپورتنووچە

چار پارێزگەهـ ل پێنج سالا دا ، گەلۆ نەینەوا وێ ئارام بێ؟

 

ئیزیدی 24 ـ عادل مەروان

ئیرۆ 2019/11/24 جڤاتا پارێزگەها نەینەوا دەنگ دا ل سەر هەلبژارتنا لیواء نەجم ئەلجبووری وەک پارێزگار ژ نەینەوا را ژ دیلا مەنسوور ئەلمرعید ئەوێ هەکە هەفتیا چوویی هاتیە لادان ، ڤێ بڕیارێ ئەلمەرعید عاجز کر و وی ژی داخوەیاکرن هەکە بریارێن جڤاتێ ئد وەک هەڤی نە و نەدیاسایی نە . ژبەر کو جڤاتێت پارێزگەها هاتینە هەلوەشاندن ب بڕیارا جڤاتا نوینەران ، هەر ل وی وەختی دا نیڕین و دیتنێت جودا جودا ل دۆر ڤێ بڕیارێ لبا خەلکێ پارێزگەهێ و پێکهاتەیێت وێ پەیدا بووینە.

د. مەحمود عەزۆ مامۆستا ل کولیژا زانستێن سیاسی ل زانکۆیا مووسل “ل سەر ڤی بابەتی ژ “ئێزیدی 24″ پەیفت و گۆت ، ” ئەڤ دیمەنێ سیاسی یێ ل پارێزگەها نەینەوا نوهە تێتە دیتن دیمەنەکێ دروسر کری یە . جارا یەکێ ئاماژێ ب نەبوونا هێزەکا سیاسی یە هەکە لڤینێت سیاسی ل نەینەوا زەفت بکە ، ژ بەر وێکێ پرۆسا پێک گوهاڕتنا ڕێککەفتنا بخوە پرۆسەکا ئاسانترە ژ پشتەڤانییا ڤەلڤینەکا سیاسی ل پارێزگەها نەینەوا ، و ئەڤ چەندە بەروڤاژ بوو ل سەر پرۆسا پێکگوهارتنا هەردوو پارێزگاران چ ب رێکا سیاسەتا ناڤخۆیی یان ژی ب رێکا دەستوەردانێت هندەک هێزێن ژ دەرڤەیی پارێزگەهێ دا هندەک رێکەفتنێن سیاسی یێت نوو بێنە نیشاندان کو ل تالیێ بەروڤاژ ببن دا ببنە بنیات ژبۆ پێیەکی نو ل لڤینا سیاسیا نو دا و بکەڤیە دیمەنێ سیاسی ل پارێزگەها نەینەوا”.

“عزۆ” ئاماژە ب وێ یەکێ ژی کر کو ، “ژ دیمەنێن سیاسیێن هەری گرنگ هاتنا حەلبووسی بوو وەک بکەرەکی سیاسی ژ بۆ نێڤ پارێزگەهێ زێدەباری هەکە بنیاتەکە گونجا ژ وی را نەبوو و هەروسا هەبوونا کەسایەتیا ئەحمەد عەبدەلله ئەلجبووری پارێزگارێ سەلاح ئەلدین و هەبوونا کەسایەتیا خەمیس ئەلخەنجەر، ژ بنیات دا ئەڤ هێز هێزێن ناڤخۆیێن کو ژ ژینگەهێن خوەجهی یێن ناڤخۆیی یێن پارێزگەهێن خوە هاتینە، لێ ئیرۆ دخوازن کو بکەڤنە پارێزگەها نەینەوا زێدەباری هێزێن سیاسیێن ناڤخۆیی یێت شیعی یێت هەکە ل چەندین دەریا ڕە کەتینە نەینەوا، دەریێ یەکێ حەشدا شەعبی یە و یێ دووێ ژی ڕەوشا بەغدا و کارتێکرنا وێ ل سەر لڤینا سیاسی ل نەینەوا و یا سیێ دەریێ دەستهەلاتدارییا جڤاکی لسەر هنەک هێزێن جڤاکی یێت ل پارێزگەها مووسل ب تایبەت ل دەڤەرا تەلەعفەر و دەشتا نەینەوا، ڤان دەڤەرا بشێوەیەکی مەزن کارتێکرن هەبوو ل سەر هەبوونا هێزێن سیاسیێن شیعی یێن سەر ب نەجەفو بەغدا ڤە، و چێدبێ هەبوونا وان ببیە بنگەهەکێ ب هێز ل ناڤ دیمەنێ سیاسی دا”.

زێدەتر گۆت ، ” هنەک پێکهاتیێت سیاسی یێت کوردی یێت هەکە کارتێکرنەکا مەزن ل سەر رێڤەبرنا لەیستکا سیاسی ل نەینەوا هەین هەنە، رادبن ب گوهارتنا پارێزگەرێن نەینەوا و وسا لێ دکەن هەکە ببنە خودان پلەیێت بلند ل هەر پرۆسەیەکا سیاسی دا ، ژ بەر وێکێ ڕۆلەکێ مەزن هەبووینە ل دووبارە هەلبژارتنا ئەتیل ئەلنجێفی و هەروسا ڕۆلەکی مەزن ل هەلبژارتنا مەنسوور ئەلمەرعید و …. هتد ، دا پرۆسەیا گفتوکۆیێ و گرێبەستێن سیاسی ل ناڤبەینا حزبێن کوردیدا و ئەوێن دڤێن پۆستێ پارێزگارێ نەینەوا ببن و ئەڤ ل سەر کوتلەیێن سیاسیێن دی ژی یێن هەکە هەمان دەور لەیستین ل پرۆسەیا هەلبژارتنێ دا ب رێکا گرێبەستێن سیاسی دا دهێتە ب جهئینان ، گەلەک جارا گەلەک کەیسێن گرێدای ب سڤکایەتیا ماددی و سڤکایەتیا ب بەلگەیا  تێنە ڤەدزین و ئەڤ نیشاندەرێ هەری گرنگ بوو بۆ پرۆسەیا هەلبژارتنا هەر پارێزگارەکی ل نەینەوا دا”.

ل سەر هەمان مژارێ ژ شنگال “رەعەد نیزار ئەلقەفان” ژ “ئێزیدی 24″ را پەیفت و گۆت ” دەنگدان ل سەر هەلبژارتنا لیواء نەجم الجبووری وەک پارێزگارێ نەینەوا ل روونشتنا ژمارە 115 یا جڤاتا پارێزگەهێ ، ب پتریا دەنگا”.

هەروەسا گۆت ، ” بەرێز مەنسوور ئەلمەرعید یێ کو ل سەر دەست ژکارکێشانا خوە ئیمزا کری بێی دەستنیشانکرنا مێژویەکێ ، ئانکو ل سەر سپیتایێ ئیمزاکر ، و بەری هەیامەکە کێم ژ نوهە ئالیێ سیێ هاتە سەر هێلا بەرامبەریێ و دەست ژ کارکێشانا پارێزگارێ بەرێ گەهاندە جڤاتا پارێزگەهێ و قایلبون ل سەر دەست ژ کارکێشانێ هاتە دان و پاشی دەریێ خوە کاندیدکرنێ ڤەکرن بۆ پۆستێ پارێزگار ل هەفتیەکێدا ژ مێژوویا مانا پۆستی ڤالا ، و پشتی هەلبژارتنا بەرێز نەجم ئەلجبووری وەک پارێزگارێ نەینەوا ،نوهە بریار بتنێ هەوجەیی پەسەندکرنا سەرۆکاتیا کۆمارێ یە”.

ئاماژە ب وێ چەندێ ژی کر هەکە ، ” تشتێ هەری گرنگ یێ هەکە پێتڤیە فۆکس چە سەر ئەوە کو جڤاتێت پارێزگەها نکارن ب کارێ خوە رابن پشتی کو هاتینە هەلوەشاندن ژ لایێ جڤاتا نوینەران ڤە، تەکلیفکرنا پارێزگار یان ژی یەک ژ جێگرێن وی بۆ ب ڕێڤەبرنا کاروبارێن ماددی و ئیداری ، و ب پشت گرێدان ب فەرمانا سەرۆکایەتیا جڤاتا وەزیران/ دەستەیا بلند یا هەماهنگیێ دناڤبەرا پارێزگەهاندا ل مێژوویا 20/11/2019 جڤاتا پارێزگەها نەینەوا هاتە قەدەغەکرن ژ دەرێخستنا چ بریارا هەکە هەیاما خوە پێ بکەنە ئارامیا پارێزگەهێ و وسا پرۆسەدانینا نەینەوا نەجم ئەلجبووری وەکە پارێزگار پرۆسەیەکا نە دەستووری یە و تێە زانین هەکە پارێزگارێ بەرێ منسوور ئەلمرعید تانە لڤی بڕیارێ دایە ، و دبێژە کو جڤاتا نوهە یا پارێزگەهێ شەرعیەتا هەبونێ نینە و پرۆسەیا دوردانا ویژی نا دروستە ژ ئالیێ دەستووری ڤە”.

هەروسا مامۆستایا شەبەکی ل زانکۆیا دهۆکێ “نسرین عەلی” ژ “ئێزیدی 24″ را پەیفت و گۆت ، ” دانا پۆستێ پارێزگار ب کەسەکێ عەسکەری ئەز دبێژم ئەو سەرکەفتی نابە ل ئاڤاکرنا باژاڕەکی مەدەنی دا ب هزر و بیرەکا عەسکەری”.

ئاماژە ب وێ چەندێ ژی کر هەکە ، ” نەجم ئەلجبووری عسکەریەکێ سەرکەفتی بوو ل کارێ خۆ دا لێ سەر کەفتنا وی دبوارێ عەسکەریدا ڕامانا وێکێ نادە هەکە کارێ رێڤەبەریا هەموو بوارێن دی بکە و بتایبەت بوارێت مەدەنی ژوان ،
دبێژە ژی دبە ئەو ل ئالیێ سەربازی دا بسەر بکەڤێ ژ بەرکو شەهرەزایی لڤی بواری دە هەیە . لێ ل بوارێت دی دا بەهوەر ناکم سەرکەفتی ببە .

هەروسا گۆت ، ” چەندین ڤەکۆلین و پەرتوک و نامەیێن ماستەر و دکتۆرا ئیشارەت داینە وێ یەکێ هەکە دوو چین یان دوو جۆر ژ کەسان پێتڤیە پۆستێن سیاسی وەرنەگرن و ئەوژی ” کەسێ ئاینی و کەسێ عەسکەری”، و ئەڤ چەندە هاتیە سەلماندن ل پێ سەربۆرێن وەلاتێن جودا جودا دەرباری ڤێ یەکێ”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close