نووچە

نەبوونا پرۆگرامێن خوەندنێ بوویە ئاریشە ژ خواندنگەهێت کەمپا رە و خوەدیێت خوەندەکارا دخوازن چارەیەک بێیە دیتن

 

ئێزیدی 24 ـ ذیاب غانم

پشتی هەکە حەوجەیێت کەمپا و خەلکێ وان هاتینە بەردەستکرن هەتا رادەیەکێ خەلکەک رادی بوو و هێدی هێدی ئاریشەیێت ئاوارا کێم بوون بەلێ هنەک ئاریشێن دیتر دەرکەتینە و بووینە ئاستەنگ ژ ئاوارا رە .

ئێک ژ وان ئاستەنگێن هەکە دەرکەتین ئەوە ل هەر کەمپەکێدا ب کێمایی ڤە خوەندنگەهەک هەیە بەلێ ژمارەکا مەزنا خوەندنکارا دەوامێ تیدە دکەن .

ئیسال بەهرا بیتر ژ خواندنگەهێت کەمپان ئاریشەیا کێمیا پرۆگرامێن خوەندنێ هەیە چ یێن سەر ب پەروەردا شنگال یا سەر ب حکومەتا هەرێما کوردستانێ یان ژی ئەوێت سەر ب پەروەردا شنگال یا سەر ب حکومەتا عراقێ ڤە و ڤێ یەکێ خواندەکار و خودانێن وان دڵ گران کرینە .

“ئەلیاس حەسەن” ، خوەندەکارەکی ئێزدی یێ ئاوارەیە ژ “ئێزیدی 24″ را پەیفت و گۆت ، ” ئەم وەک خوەندەکارێن ئاوارە ژ بەرەکیڤە ژ ئاریشەیا نەبوونا پرۆگرامێن خواندنێ دنالینن و ژبەر هەکە خواندن بێی پرۆگراما نابیت ئەم مەجبورن ژ کورکا خوە پرۆگرامان بکڕن یان کۆپی بکن”.

درێژی دا پەیڤا خوە و گۆت ، ” لازمە پەروەردە ب ڕۆلێ خوە رابێ و ڤێ ئاریشەیا ژ بەرەکێ ڤە (عام) چارە بکە یان پرۆگراما ژ مەرا بینن یان ژی ئەو ب خوە رابن ب کۆپیکرنا پرۆگراما و بەلاڤکرنا وان لسەر مە ژ بەر هەکە داهاتێ گەلەک خوەندەکارا ئێ دەستنیشانکریە و وان کارینێن کۆپیکرنا ڤان پەرتووکا هەمووا نینن”.

ژ ئالیەکی دی ڤە “رەعەد خەلەف” خوەدیێ قوتابیەکی ژ “ئێزیدی 24″ را پەیفت و گۆت ،” ئەم سوپاسدارێن پەروەردێنە هەکە گەلەک زەحمەتێ ب زارۆکێن مە ڤە دبینێ ، لێ وەکە تێە زانین خواندنگەهـ ل سەر پەرتووکا یا ئاڤایە و پەرتووک رێبەرێ خوەندەکارایە ڤێجا هەکە پەرتووک نەبن پرۆسا فێرکرنێ ل مامۆستا و خوەندنکارا دجار ب زحمەت دبێ”.

ل تالیێ گۆت ، “ئەم داخوازێ ژ پەروەردێ دکن هەکە چارەیەکە ڤان خوەندەکارا بکن ژبەر نەبوونا پەرتووکا وێ ب شێوەیەکی نێگەتیڤ کارتێکرنێ ل سەر خوەندەکاران کەت و وێ بیە ئەگەرێ نە سەرکەفتنا وان و هەکە ئەو سەرنەکەڤن خواندنگەهـ ژی ب سەر ناکەڤێ و هەکە خوەندنگەهـ ژی بسەر نەکەت پەروەردە ژی پێشدە ناچێ ،”

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close