نووچە

قارەمانیا لالش ئا فوتبۆلێ ل کەمپا بێرسڤێ بتالی هات

 

ئێزیدی 24 _ لەیت حسێن

ل رۆژا ئینیێ 29.11.2019، یاریا تالیێ ژ قارەمانیا لالش ئا فوتبۆلێ ئا خوەندەکارێت ئاوارە ل یاریگەها کۆمەلگەها بێرسڤێ ل سنوورێ قەزا زاخۆ برێڤەچوو.

دڤێ قارەمانیێ دا 12 تیم بشێوێ گروپان ژ خوەندەنگەها ئامادەییا کەمپا بێرسڤێ تێدە بەشدارببوون و یاریزانێت وان ژی ژ هەر سێ کەمپێت بێرسڤێ 1 و 2 و کەمپا دەرکارێ یێت ئاوارێت شنگالێ بوون و ل یاریا تالیێ دا تیما پۆلا دوانزدێ زانستی (أ) ب 5 گۆلان بەرامبەر گۆلەکێ ژ تیما پۆلا یانزدێ زانستی (ب) بر و ل رێ و رسمەکێ دا ناسناڤێ قارەمانیێ ب تیما یەکێ هاتە دان و خەلات بسەر تیما دووێ و قەنجترینێت خۆلێ و حەکەما ژی دا هاتنە بەلاکرن.

مامۆستا عزالدین جەمیل کە رێکخستیێ ڤێ خۆلێ یە و مامۆستایێ وانا وەرزشە ژی ل خواندنگەها ئامادەییا کەمپا بێرسڤێ ژ “ئێزیدی 24” را پەیڤت و گۆت، هەر سال و هەر ژ پێشیا ڤەکرنا خوەندنگەهان ل کەمپا دا ئەم ڤان جۆرە خۆل و چالاکیان ڤەدکن و جانێ وەرزشی دکەڤە نێڤبەرا مامۆستا و خوەندەکارا ژی دا.

خوەیاکر ژی، بنگەهێ لالش تایێ شنگال و نڤیسینگەهێت بسەرڤە هاریکاری و پشتەڤانیا مە ل ڤان خۆلا دا دکن و کارگێریێت قوتابخانا ژی هەتا ئاستەکی باش ب مەرا هاریکارن و ب سوپاسی ڤە خەلات و ناسناڤێ قارەمانیێ ژی ژئالیێ بنگەهێ لالش تایێ شنگال ڤە ژمەرا تێنە بەردەست کرن .

هەروەها دا زانین، کە ئەڤ جۆرە خۆلە گرنگیەکا باش هەیە و مەرەما مەژی ژڤێ یەکێ ئەوە بیتر خوەندەکار و مامۆستا ژهەڤ نێزیک ببن و خوەشی و لەڤزەت بکەڤتە نێڤ دا و خەلکێ کەمپێ بخوە ژی تامەکێ ژ دیتنا ڤان یاریا دبینە.

.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close