جیهانكوردستاننووچە

رێکخراوا رۆژا شنگال سميناره‌ك لسه‌ر ماف و ئاسته‌نگێن ژنا ئێزدى ل باعه‌درێ پێشکێشکر

 

ئێزیدی 24 _ لەیت حسێن

رێکخراوا رۆژا شنگال بۆ مافێ مرۆڤی سمینارەک برێیا سەرۆکا رێکخراوێ رسالە شەرکانی لسەر ماف و ئاستەنگێن ژنا ئێزدی ل ناحیە باعەدرێ پێشکێشکر.

بەختیار قادر، بەرپرسێ راگەهاندنا رێکخراوا رۆژا شنگال ژ “ئێزیدی 24” را خوەیاکر، ژنا ئێزدی ل هەموو بواران نە حەقی لێ هاتیە کرن و ل هەر فەرمانەکێ دا دبە قوربانیا یەکێ لۆما ئەم وەک رێکخراوا رۆژا شنگال لگۆری کارینێت خوە ب ریێت جودا پشتەڤانی و هەڤکاریا ژنا ئێزدی دکن.

گۆتژی، ب هه‌لكه‌فتا رۆژا جيهانى يا نه‌هێلانا توندوتيژيا دژى ژنان، مە وەک رێكخراوا رۆژا شنگال بۆ مافێ مرۆڤى سميناره‌كا هشياريێ لسه‌ر مافێ ژنێ ل جڤاكا ئێزدى دا برێیا سەرۆکا رێکخراوێ خانم رسالە شەرکانی ژ 22 رزگاربوويان و ئاواران و جڤاكێ خوەجهـ را ل هۆلا باعه‌درێ پێشکێشکر.

ئاشکەرا کر، دسمينارێ دا خانم رساله‌ شه‌ركانى سه‌رۆكا رێكخراوا رۆژا شنگال بۆ مافێ مرۆڤى به‌حس ل مافێ ژنێ ل جڤاكێ ئێزدى دا و ئاسته‌نگێن ژن تووش دبنێ ب شێوه‌كى گشتى و ژنا ئێزدى ب تايبه‌تى کر.

هەروەها دا زانین، ل سمیناری دا سەرۆکا رێکخراوێ تەکەز ل وێ یەکێ ژی کر کە ژنا ئێزدى كاريه‌ ژچه‌ندين ئاسته‌نگان ده‌رباز بت و گه‌له‌ك بده‌ستڤه‌ئانین و ئه‌ڤه‌ وێ واتايێ ناگه‌هينت کە ئازارێن وان ب داوى هاتن به‌لكو رێيا وێ یا درێژه‌ و چه‌ندين كێشه‌ و ئاسته‌نگ ل پێشيا وێ نه‌.

گۆتژی، کە ل داويا سمینارێ دا دياريێن رێزلێنانێ ژئالیێ سەرۆکا رێکخراوێ ڤە لسه‌ر پشكداران هاتنه‌ به‌لاڤكرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close