گۆتار

نە دگەل تەمە لێ دژی تە نینم

 

لەیت حسێن گرعزێری

رەوشا سیاسی یا ئالۆز ئەوا عیراق و هەرێم تێرە دەربازدبن و نەبوونا یاسایەکا سەروەر ل دەڤەرێ بوویە سەدەما چەند روودان و کریاران ل هەیامێن جودا دا کە دەستهەلات و ئالیێن سیاسی ل دژی کەسێن نە دگەل وان بکاردئینن چ ب ئاشکەرای یان ژی ب برێیا چەند کەسان.

رۆژ دەربازدبن و رەوش ئالۆز تر دبە هێدی هێدی دەستهەلات و ئالیێن کاربدەست پتر کاری ل هەمبەر خەلکێ زەحمەت دکەن تا وی رادەی کە ئەو کەسێ دگەل وان نەبیت ب دوژمنێ خوە و ئاخ و نشتیمانی دادنێن.

تەنگاڤی و نەخوەشیێت وەلاتی و تایبەت تەخا رەەشەنبیرا دکەڤتێ ب ئەگەرا هەڤدژیا وان ل گەل هندەک بریار و کارێن جهێن کاربدەست بوویە ئەگەرا چەند هنگاڤتن و گڤاشتنان ژبال وان جهان ڤە.

نابێژین مافێ رادەربڕینێ نینە لێ دبێژن دبنە ئەگەرێ ئالۆزبوونا ئەولەهیێ و خرابیا وێ یا نەتەوەی، ئەڤە ژی هیجەتێن بەرپاینە و ل گەل خەلکێ تێنە بکارئینان.

بێزاربوونا وەلاتیان ژ وەلاتی مەرەم پێ هێرشا تیرۆرستان نینە بەلێ هندەک ژی وەلاتێ خوە دهێلن ب سەدەما نەبوونا یاسایێ کە رێز لێ بێتە گرتن و ل بن دا دپاراستی بن.

ل دەما هەلبژارتنان دا خوە ب خوەدی ماف و ئازادی یا وەلاتییان دزانن لێ پشتی دەرچوونێ نە ئەو سۆزن و نەژی کریار، بەلێ بەروڤاژی ڤێ یەکێ کە وەلاتی بخوە خوە ئازاد دکەن لێ ئەو وێ ئازادیێ ژی ژێ دستینن.

نە باوەریا ئالیێن دەستهەلاتدار ب شیانێن گەنجان و پێدانا سزا و گەفان لسەر خەلکێ خالەکا رەشە و ئەم هەموو بێزار کرینە، لەورا ژ هەموو خال و کریارەکێ و ل هەر جڤین و روونشتنەکێ دا مەرەم پێ ئەوە و تم وێ دگەهینم کە نە هەڤ ئالیێ وان بم دژی وان نینم لێ من دژی خوە دادنێن و هەر کارەکی من ب دژی ئەولەهییا نەتەوەی دبینن و رێ لبەر من ل چەند جهان تێتە گرتن و دەرگەهێن کاری ژی بۆ من ناهێنە ڤەکرن مەرەم ژێ ئەوە کە تو دوژمنی و نە ل گەل مەی.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close