گۆتار

(ترس و برس و نەعەدالەت ئەگەرێن هێلانا وەلاتی نە)

 

ئەلیاس نەعمۆ خەتاری

براستى چو ئامارێن رێك وپێك لبەر دەستێ مە نينن كا چەند ئێزدى چۆینە دەرڤە لێ ئەم دكارين بێژين پتر ژ سەد هزار ئێزدى قەستا دەرڤەى وەلاتى كرينە ب مەرەما پەيداكرنا ئاراميێ و مەعيشەتێ و ياسايێ، تايبەت پشتى فەرمانا لسەر ئێزديان هاتيە راكرن لسەر دەستێ تيرۆرستێن داعش ل باژێری شنگال وب هزارەهان كچ وژنێن ئێزدى رەڤاندين و بازرگانى پێ هاتيە كرن كو هەتا ئيرۆ رۆژ سەر وشونێن سێ هزاران ديار نينه وژبلى كوشتيا و وندابوويا و وێرانكرنا مال و ملكێن خەلكێ ئێزدى ، ژئاليێ ديڤە خەلکێ دى یێ ژدةستێ داعش ڤەرسيايى و خۆ خلاسكرين ئيرۆ پتر ز پێنج سالان ل بن رەحما خیڤەت ورێكخراوێن مەدەنينه و چو ئۆمێد ديارنينه بزڤرنه سەر جه و مال وملكێن خۆ . هەلبەت خەلكێ مه ل دەستپێكا فەرمانێ پتريا وان برێکێن قاچاغ دەركەفتنه دەرڤەى وەلاتى هەلبەت بگرانى نەهەموو ئەندامێن خێزانێ لێ ئێك يان دوو باشى ب فەقرا ( لم الشمل ) ئانكو ب تەلەبى گەلەك گەهشتنه دەرڤەی وەلات تايبەت ئەلمانيا كو ب وەلاتێ مه یێ دووێ دئێته ناسين ، و ب دەهان هزاران ئێزدى ل ئەلمانيانه بەلكو نه ل باژێرەکی بتنێ بەلكو هەر قەزايەك يان ناحيەك ل ئەلمانيا نينه ئێزديەك لێ نەبت هند ئێزدى بەلاڤبووینە و ژێک پەژقینە، ب راستى و بۆ مێژوو و ئەمانەتێ ئەلمانيا تشتەكى گەلەکێ مەزن بۆ ئێزديان كريه ويا بەردەوامه تايبەت دبوارێت مەعيشەتێ وئەمانەتێ وساخلەميێ وخواندنێ دهەموو بواراندا ، ئەلمانيا پتر ژهەموو وەلاتان ئێزدى وەرگرتينه و باژارێن ئێزدى گەلەك لێ دژين وەک بێلفێلد, منشن, كۆلن, ئۆدلینبۆرگ و فورسهايم ول گەلەك باژارين دى ل ئەلمانيا لێ دبەلاڤن هەر ئێك و لدویڤ كار ودەوامێن خۆ ، هەر ديسان خەلكێ مه مەجبور بوو خۆ بگونجينت دگەل ژيانا ئۆروپی وەك كار ودەوام وژيانا رۆژانه و كارينه بدەهان سەنتەر ومالێن ئێزديان وكۆمەل وبنگەهێن رەوشەنبيرى وگەلەك جهێن دى بۆ خۆ چێبکەن و گەلەك رێ ورەسم وهەلكەفتێن ئێزديان لێ برێڤەدبەن و ل هندەك جهان وانێن ئێزدياتيێ دئێنه گۆتن بۆ زارۆكێن ئێزديان دا کو ئەڤ زارۆكێن هەنێ زمانێ خۆ و ئایينێ خۆ ژدەست نەدەن ل غەريبيا ، ئەلمانيا دئێته ناڤكرن ب وەلاتێ مه یێ دووێ وپتر ژ هەموو وەلاتان خەمێ ل ئێزديان دخۆت لێ نائێته ژبير كرن كو ئێزدى ل گەلەك وەلاتێن دى هەنه وەك سويد ,نەرویج, دەنیمارك, فەرەنسا, روسيا, جۆرجيا, ئەرمينيا, بەلجيكا, نەمسا, هۆلندا, كەنەدا و ئۆستراليا لێ ئەم هەر دبێژين شام شەكرە لێ وەلات شرينتره لێ چ بكەين ، ئەگەر بێن و بكەينه بەحسا ڤەگەريانێ ئەڤ هزره يا دناڤ مێشكێ هەر كەسەكى دا ژ وەلاتێ خۆ رەڤيبت لێ پشتى نكارى ل وەلاتێ خۆ بژيت هەلبەت دێ رەڤت ، وهەتا ترس و برس وبێ قيمەتى ل وەلاتى هەبت دێ چاڤێ خەلكێ ل بازدانێ بت و دێ بەردەوام كۆچ و کۆچبەرى هەبت و دێ يا بەردەوامبت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close