جیهانكوردستاننووچە

رێکێت نێڤ کەمپا ئاخن و زڤستانێ ژ ئاوارا رە دبنە ئاریشە

 

ئێزیدی 24 _ لەیت حسێن

زێدەتری پێنج سالایە کەمپا ژ ئاوارێت ئێزدی را ل سنوورێ پارێزگەها دهۆکێ هاتینە چێکرن و تێدە ئاکنجی نە لێ هەتا نهوە رێکێت نێڤ کەمپا دا نەهاتینە قیرکرن و ئەڤ یەکە ژی بوویە جهێ دلگرانیا وان ژبەر کە وەرزێ زڤستانێ هات و ئەو رێ هەموو ئاخن و دێنە حەری، لۆما ئەو ئاوارا داخواز دکن چارەیەک ل وان رێیا بێتە کرن.

ئیسکان خالد ئاوارەکی ئێزدی یە ل کەمپا کەبەرتوو ئاکنجیە ژ “ئێزيدی 24” را خوەیاکر، پتریا رێکێت نێڤ کەمپا دا دئاخی نە لەوما ل هاڤینێ ژبەر تۆزا زێدە ژێ رادبێ و ل زڤستانێ ژبەر حەری و خرابیا رێکچچا ژ ترۆمپێلا را ئەڤ یەکە ژمەرا دبە ئاریشە.

گۆتژی، مە دڤێ جهێت کاربدەست هەر زوو دەست ب چێکرنا ڤان رێکا بکن ژبەر ڤایە ئەم ل وەرزێ زڤستانێ ژی دا و رێ ل ڤی وەرزی خرابتر دبن ژبەر بارانەکا زێدە تێ.

هەروەها نایف سلێمان ئاوارەکی دی یە ل کەمپا چەم مشکۆ ژ “ئێزیدی 24” را گۆت، سال ب سال رێکێت ڤان کەمپا خرابتر دبن و هەتا نهوە چ ئالیەکی چارەیەک لێ نەکریە.

پتر گۆت، شۆفێر و خەلکێ دی ژی ژبەر ڤان رێیا گازندە هەینە و مە گەلەک جارا ئالیێت بەرپرس پێ ئاگەهدار کرینە لێ هەر بێ ئەنجام بوویە.

دا زانین ژی، زارۆک و خواندکار زەحمەتیەکا زێدە دبینن وەختێ دچنە خواندنەگێ و باغچێ زارۆیان ئەو ژی ژبەر ڤان رێکا کە هەموو حەرینە و ئاڤ ژی ل هنەک جها دسەکنێ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close