كوردستاننووچە

بزاڤ تێنە کرن رزگاربویێت ئێزیدی جلکێت رەنگ رەش ژبەر خوە بکن

 

ئێزیدی 24 _ لەیت حسێن

زێدەتر ژ پێنج سالا لسەر جینۆسایدا ئێزیدیا تالی رە ل شنگالێ دەرباز بووینە کە تێدە ب هەزارا زەلام و کەچ و ژن و زارۆکێت ئێزیدیا یێت بێ گونەھ ژئالیێ رێکخستنا دەولەتا ئیسلامی یا ناڤدار ب داعش ڤە هاتنە کوشتن و رەڤاندن.

ل ئەنجاما وێ یەکێ دا و ژبەر خەمگینی و کولا وانە گران، کەس و خوەیێت وان کوشتی و رەڤاندیا جلکێت رەش کە دەربڕینێ ژ خەمگینیێ دکن لبەر خوە کرن، و ژبەر پشتەڤانیکرن و سڤککرنا خەما کەس و خوەیێت وان، رێکخراوا رۆژا شنگال بۆ مافێن مرۆڤی دەستپێشخەریەک ژبەر لبەر خوە نەکرنا جلکێت رەش ل ناڤ کەمپا و کەس و خوەیێت وان راگەهاند.

لسەر ڤێ یەکێ رە، بەختیار قادر بەرپرسێ راگەهاندنا رێکخراوا رۆژا شنگال بۆ مافێن مرۆڤی ژ “ئێزیدی 24″ رە گۆت، دكەڤانێ‌ ئەنجام دانا چالاكیێن مرۆڤی و پشتەڤانیا رزگاربوویان و جڤاكێ ئێزیدی ب شێوەیەكی گشتی و هەستكرن ب بەرپرسیارەتیا مرۆڤی و رەوشتیانە هەمبەر یەك ژ تەخێت ئێزیدیا یێت پتر تووشی زۆرداریێ‌ بوویی لسەر دەستێ‌ رێکخستنا دەولەتا ئیسلامی یا ناڤدار ب داعش، رێكخراوا رۆژا شنگال بۆ مافێ‌ مرۆڤی دەستپێشخەری بۆ پشتەڤانیا كچ و ژنێت رزگاربووی ژبەر لبەر خوە نەكرنا جلكێت رەنگێ ڕەش ل كەمپێت ئاوارێت ئێزیدی و نێڤ کەس و خوەیێت کوشتی و رەڤاندیا راگەهاند كە خەمگینیێ‌ خوەیا دكەت كە بیتریا رزگاربوویان و كەس و خوەیێت قوربانیان جلكێت رەش لبەر خوە دكەن ژبەر خەمگینیا وان لسەر كەس و خوەیێت خوە.

هەروەها گۆت، دهەمان دەم دا ئەم پشتەڤانیا خوە ژ ڤێ‌ دەستپێشخەریێ‌ و پێنگاڤا مرۆڤی را رادگەهینین و تەکەز دكن ئەم پشكداری خەمێت قوربانیاینە و چاڤەرێ‌ ڤەگەریانا تەڤاهیا گرتیاینە.

بیتر دیارکر، ئەم سوپاسیا هەموو مالا دکن یێت مە سەرەدانا وان كری ل كەمپێت ئاوارێت ئێزیدی ل سنوورێ پارێزگەها دهۆکێ ژبەر وێ پێشوازیا ل دەستپێشخەریا مەكرین، هەروەها سوپاسیا كەسایەتی و زەلامێ‌ ئایینی یێ‌ ئێزیدیا بەرێز”میر حاج” دكن ژبەر هاتنا وی ب مەرە ژبەر سەرەدانا كەمپا و پشتەڤانیا وی بۆ ڤێ‌ دەستپێشخەریێ‌.
سلاڤ ژ بۆ گیانێ‌ هەموو جانگۆریان و بهیڤییا ڤەگەریانا گرتیان و رێز بۆ هەموو رزگاربوویان .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close