كوردستاننووچە

پەرلەمانێ کوردستانێ پرۆژە یاسایا چاکسازیێ پەسەندکر و نوونەرا ئێزیدیان ژی خوەیادکە کە ئێزیدی ژی دێ ژڤی پرۆژی مفاداربن

 

ئێزیدی 24 _ لەیت حسێن

پرۆژە یاسایا چاکسازیێ ب دەنگێ 89 ئەندامێن پەرلەمانێ کوردستانێ هاتە پەسەند کرن و نوونەرا ئێزیدیان ل پەرلەمانێ کوردستانێ خوەیادکە کە ل ڤی پرۆژی دا ئێزدی ژی وەک هەر پێکهاتەکی کوردستانێ دێ مفاداربن و پەرلەمانێ کوردستانێ پشتەڤانە بۆ بزاڤێن حکومەتا هەرێمێ ل گەل حکومەتا عیراقێ ئەوژی بۆ قەرەبۆکرنا قوربانیێت جینۆسایدا ئێزیدیان ل شنگالێ.

لدۆر ڤێ یەکێ “هەدیە مراد” نوونەرا ئێزیدیان ل سەر فراکسیۆنا پارتی دیموکراتی کوردستان ل پەرلەمانێ کوردستانێ ژ “ئێزیدی 24” را خوەیاکر، پشتی دوو رۆژێت بەردەوام لسەر گفتوگۆیێت جودا لسەر پرۆژێ چاکسازیێ ل روونشتنا (13 و 14)ئیرۆ ل روونشتنا ژمارە (15) و ب دەنگێ (89) ئەندامێن پەرلەمانێ ھاتە پەسەندکرن کە دڤی پرۆژی دا دادپەروەری د ھەموو خال و ماددێت ڤی پرۆژی دبەرژەوەندیا گشت وەلاتی و پێکهاتێ ئێزیدی و هەموو پێکهاتێت کوردستانێ دایە.

گۆتژی، یەکەم جار مە ل ڤی پرۆژی دا ژ خوە دەستپێکر کە ژ رێژەیا 80٪‏ بوو 15٪‏و ژ 50٪‏ دەرباز نەبە ،رێکخستنا پلە وناڤ ونیشانێن و مووچەیێ وەزیفی سەرجەم مووچە خوەران ل ھەرێمێ لسەر بنەمایێ باوەرنامە وخزمەتا یاسایی ،ھەموو ماف وئیمتازاتێن کەس وکارێن شەھیدان وئەنفالکریان و زیندانا سیاسی و کێم ئەندامان وخوەدان پێدڤیێت تایبەت پاراستی بن ، هەروەها ھەلوەشاندنا مووچەیێ خانەنشینیا سەرجەم ئەو کەسێن کە ب شێوەیەکی نە یاسایی هاتبوونە خانەنشین کرن و راستکرنا سەرجەم مووچەیێ خانەنشینی .

هەروەها زەلال کر، ئەڤ پرۆژێ چاکسازی کو ژئالیێ حکومەتێ ھاتیە شاندن بۆ پەرلەمانی دەستپێکا چاکسازیێ بوو بەرەڤ کوردستانەکا بھێزتر کە ئەو خالێت تێدا دادپەروەری د بەرژەوەندیا ھەموو خەلکێ کوردستانێ بوو.

پتر گۆت، ب تەمامی پالپشت و پشتەڤانن بۆ قەرەبۆکرنا قوربانیێت جینوسایدا ئێزیدیان ل شنگالێ و حکومەتا ھەرێمی دگەل بەغدا د بزاڤان دایە کە بێنە قەرەبۆکرن لێ ھەتا نهوە چ تشت ل واقع خوەیا نینە.

هەروەها گۆت، پەسەندکرنا ڤێ پرۆژە یاسایێ نیشانا ھندێ یە کە پارتی ھەردەم پابەندە ب وەعد و بەلێنێن خوە و كارنامەيا هەلبژارتنا و حكومرانيێ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close