كوردستاننووچە

بزاڤێت ئێزیدیا بۆ بەردەوامی دان ب ڤەکرنا گۆرێت بکۆم یێت ئێزیدیا بەردەوامن

 

ئێزیدی 24 _ بەغداد

دۆهـ ل بەغدایا پایتەخت نایف جاسم قاسم موختارێ گوندێ کۆچۆ هەڤدیتن ب بەرێز کەریم ئەحمەد خان سەرۆکێ تیما لێکۆلینا نیڤ دەولەتی ئا لسەر تاوانێت رێکخستنا تیرۆستیا داعش پێک ئانی و چەند بابەت هاتنە گۆتوبێژکرن و یێ هەرە گرنگ دۆسەیا ڤەکرنا گۆرێت ب کۆمێت ئێزیدیا بوون و تەکەزی لسەر وێ یەکێ هاتە کرن کە دڤێ دووبارە بەردەوامی ب ڤەکرنا گۆرێت ب کۆمێت ئێزیدیا یێت ماین بێتە دان ئەوێت کە رێکخستنا تیرۆرستیا داعش ل دژی ئێزیدیا کرین و ل شنگالێ هاتینە دیتن.

هەروەها نایف جاسۆ تەکەز کر، لسەر زوو ب جیئانینا کارێ تیما ڤەکرنا گۆرێت ب کۆم ئەوێت هیش ل ناڤچەیێت شنگال ماین و دووبارە ئانینا روفاتان ژ کەس و خوەیێت وان رە دا ڤێشیرن ئەوێت کە هاتینە دەرئێخستن و هاتینە شاندن ژ پشکنینێت DNA رە، بەرێز کەریم خان تەکەز کر کە تیما نیڤ دەولەتی وێ بەردەوامبە لدووڤ وانێت کە بەشداری کربوون ل تاوانێت دژی پێکهاتا ئێزیدی دا.

جاسۆ دەربڕین ژ سوپاسیا خوە کر ژ وی و جڤاتا نیڤ دەولەتی و سەرۆکێ تیما لێکۆلینا نیڤ دەولەتی بەرێز کەریم خان رە ئەو ژی ژبەر گرنگیا وانە بەردەوام و هیمەتا وانە مەزن ل گرنگی پێدانا کەیسا ئێزیدیا دا.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close