جیهانمەلتیمیدیانووچە

سترانا “دایکا من” ئا هۆنەرمەندێ ئێزیدی “ئیبراهیم خەلیل” وێ ل نێزیک ب کلیب ئێتە بەلاڤکرن

 

ئێزیدی 24 _ لەیت حسێن

هۆنەرمەندێ ئێزیدی و خەلکێ وەلاتێ روسیا “ئیبراهیم خەلیل” راگەهاند، کە ل نێزیک کلیبەکا نوو بناڤێ “دایکا من” وێ بەلاڤ کە و چەند بەرهەمێت نوو ژی ل سەر چەند مژارا رە ل رێ دەینە.

هۆنەرمەند “ئیبراهیم خەلیل” ژ “ئێزیدی 24” رە گۆت، براستی ژی دڤێ هۆنەرمەند، هۆنەرمەندێ گەلێ خوەبە و ل مللەت و زمانێ خوە خوەدێ دەرکەڤە و تایبەت یێ ئێزیدی دڤێ ئۆلا خوە ب پارێزە و ب رێیا کارێ خوەی ستران گۆتنێ هانا مللەتێ خوە ژی بکە کە ڤێ ئۆلێ ب پارێزن.

هەروەها دا زانین، وی هژمارەکا باشە سترانا لسەر ئێزیدیا و کۆمکوژیا تالی ئا بسەرێ مللەتێ ئێزیدی هاتی ل شنگالێ هەنە و تێدە ئێش و ئەلەم و دەربەدەریا وان ئانیە پێش چاڤ.

“ئیبراهیم” زەلالکر ژی، هەیاما چەند رۆژایە ئەز لسەر کلیبەکی نوو کاردکم بناڤێ “دایکا من” و قۆناغا وی ئا تۆمارکرنێ گەهشتیە تالیێ لێ هیش ئەم لسەر کار و خەباتێ دکن.

بیتر گۆت، ئەڤ سترانە ژ پەیڤ و گۆتنێت منە و ل ئەلمانیا هاتیە وێنەکرن و مۆزیک گەنێدی یە و باوەر دکم پشتی مەهەکا دی بێتە بەلاڤ کرن.

ئاماژە ب وێ یەکێ ژی کر، ل پاشەرۆژێ دە وێ چەند بەرهەمێت نوو هەبن و ل سالڤەگەرا کۆمکوژیا ئێزیدیا دا وێ سترانەکا نوو لسەر وێ کۆمکوژیێ و نەخوەشیێت مللەتێ ئێزیدی رە هەبە.

هۆنەرمەندێ ناڤهاتی ژ دایکبوویێ سالا 2000ێ یە و خەلکێ وەلاتێ روسیایە، ل گوندەکی ئێزیدیا ل وی وەلاتی مەزن بوویە و نوهە ل وەلاتێ ئەلمانیا ئاکنجی یە، ل عەمرەکی کجک دە دەست ب کارێ ستران گۆتنێ کریە و ڤی هۆنەرمەندی هژمارەکا زەهڤە سترانا لسەر کۆمکوژیا تالی ئەوا ل 3ـی تەباخا سالا 2014ێ ل قەزا شنگالێ بسەرێ ئێزیدیا هاتی چێکرینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close