راپورتنووچە

پێشانگەهەکا وێنەیێت فۆتۆگرافی یێت گرێدای کۆمەلکوژیا ئێزیدیا ل هەولێرێ هاتە ڤەکرن

 

ئێزیدی 24 _ لەیت حسێن

هۆنەرمەندەکێ فۆتۆگرافی یێ کورد، پێشانگەهەکا وێنەیێت فۆتۆگرافی کە گرێدای کۆمەلکوژیا ئێزیدیا بوون ل هەولێرا پایتەختا هەرێما کوردستانێ ڤەکر.

ئەڤ پێشانگەهە ل بن ناڤێ “ئێزیدی و داعش” و ب هادربوونا پارێزگارێ هەولێرێ و خەلکەکی زەهڤ و نوخبەیەکا باش ژ هۆنەرمەند و نڤیسەران برێڤەچوو.

هۆنەرمەندێ فۆتۆگرافەر “ئاشتی عەدۆ” خودانێ ڤێ پێشانگەهێ یە لسەر ڤێ یەکێ ژ “ئێزیدی 24” رە خوەیاکر، ئەڤ پێشانگەهە بەشەکی گەلەک کجک ژ تاوانێت کە ل هەمبەر ئێزیدیا هاتینە ئەنجامدان نیشان ددەت.

هەروەها زەلال کر، ئارمانجا من ژ ڤێ پێشانگەهێ، نیشاندانا وەحشیەتا داعش و ئیسلامیا توندڕەوە، ب تایبەتی ئەو زولم و زۆرداریا ل هەمبەر کەچ و ژنێت ئێزیدی هاتیە کرن.

بیتر گۆت، ئەڤ یەکەم کارێ منە لسەر کۆمەلکوژیا ل دەرهەقێ ئێزیدیا هاتیە کرن بەلێ ل بیرا من دایە ل پاشەرۆژێ کارێت باشتر لسەر ڤێ یەکێ بکم.

لگۆری نێرینا کەسێت بەشداری ل ڤێ پێشانگەهێ دا کرین، ئەڤ پێشانگەهە پڕ رامان و جیاواز بوو و دەربڕین ژ نەخوشی و دەردەسەریا ئێزیدیا دکر.

هۆنەرمەند “ئاشتی عەدۆ” رێڤەبەرێ هونەرێ شێوەکاریێ یە ل وەزارەتا رەوشەنبیری ئا حکومەتا هەرێما کوردستانێ، ئەو هۆنەرمەندێ فۆتۆگرافەرە و دەرچوویێ ئەکادیمیا هۆنەری یە ل وەلاتێ هۆلندا و ل هەردوو وەلاتێت ئیسپانیا و هۆلندا ژیایە و نوهە ل باژارێ هەولێرا پایتەختا هەرێما کوردستانێ دژیت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close