نووچە

ئاوارێت ئێزیدی یێت کەمپا ئاشتی ل پارێزگەها سلێمانیێ گازنا ژ نەبوونا خزمەتکاریان دکن

ئێزیدی 24 _ لەیت حسێن

ل کەمپا ئاشتی ل پارێزگەها سلێمانیێ نێزیکی 200 خێزانێت ئاوارەیێت ئێزیدی تیدە دمینن و دنوهەدا ئەو گازنا ژ کێمییا خزمەت گوزارییان دکەن .

“شامل حەسۆ” ئاوارەکی کەمپا ناڤهاتی یە لسەر ڤێ یەکێ رە ژ “ئێزیدی 24” رە دبێژە، رەوشا ئاوارێت ئێزیدی هەتا ئاستەکی ئا باشە لێ ڤێ گاڤێ کێمییا خزمەتکاریان خەلک دڵگران کرینە .

هەروەها گۆت، کارتۆنێت تشتێت خوارنێ و ساخلەمیێ گەلەک کێم تێنە بەلاڤکرن، و جلکێت زڤستانێ ژی هیش نەداینە وان .

دیار ژی کر ، ژئالیێ خوەندینێ ڤە کەمپە نا باشە ژبەر ب تنێ خوەندینا سەرەتای و ناڤنجی هەیە و خوەندەکارێت ئامادەیی مەجبورن بچن ل جهەکی خوەندینا خوە تەمام بکن.

ل تالیێ ژی گۆت، هنەک چادرێت ئاوارا گوهەرین لێ هیش گەلەک ماینە نە هاتینە گوهەرین و خەلکی پێدڤی یە ژبەر با و بارانێت ب قەوەت لبا وان تێن .

“ئاراس ئیسماعیل” ئاوارەکی دیێ ئێزیدی یێ وێ کەمپێ یە ژ “ئێزیدی 24” رە گۆت، هژمارەکا باشە مالێت ئێزیدیا ل ڤێ کەمپێ دمینن بەلێ هێدی هێدی ژیان ل ڤر ب زەحمەت ژبەر کە رەوشا ساخلەمیێ ل کەمپێ نوهە نا قەنجە و گرێبەستا گەلەک نۆشدارێت نەخوەشخانا کەمپێ خەلاسبوویە.

ئاماژە ب وێ یەکێ ژی کر، خەلک ل ڤێدەرێ پێدڤی ب دەرفەتێت کار هەیە ژبەر کە خەلکی بەلەنگازە و بزەحمەت دەبارا ژیانا خوە دکەن.

پشتی کۆمکوژیا ئێزیدیا ئا تالی ل شنگالێ و ئاوارەبونا وان، هژمارەکا مالێت ئێزیدی ئاوارەی پارێزگەها سلێمانیێ بوون و ل کەمپا ئاشتی ل وێ پارێزگەهێ هاتنە ئاکنجی کرن و نوهە زێدەتر ژ 200 مالی ئاوارەی ئێزیدی ل وێ کەمپێ داینە ، و ژبەر کێمییا خزمەتکارییان گەلەک دلگرانن و داخواز دکەن حکومەت و ڕێکەراو ب هاوارا وانڤە بچن .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close