كوردستاننووچە

بنگەهێ لالش و رێکخراوا مافێ مرۆڤان دوو خۆلێت نەهێلانا نەخوەندەواریێ ل باعەدرێ ڤەکرن

 

ئێزیدی 24 _ لەیت حسێن

نەبوونا خزمەتکاریا و فەرمانگەهێت حکومی و دام و دەزگەهان ل چەند سالێن چووین دە بووە ئەگەرێ بلندبوونا ئاستێ نە خوەندەواریێ ل ناڤچەیێت ئێزیدی لێ دمینن تایبەت ژی ژ رەگەزێ مێ.

ب ئارمانجا هاندانا کەچ و ژنێت دووربووین ژ پرۆسا خوەندینێ یان نەبوونا دەرفەتێ ل قۆناغا عەمرێ واندا و بێ پا بوون ژ مافێ فێربوون و خوەندینێ، بنگەهێ لالش تایێ باعەدرێ ب هەڤکاری ب رێکخراوا مافێن مرۆڤان ل فرانکفۆرت رە . رابوون ب ڤەکرنا دوو خۆلێت نەهێلاا نەخوەندەواریێ ژ 25 ژنێت سەنتەرێ ناحیا باعەدرێ و خەلکێ شنگالێ رەە لبارەگەهێ بنگەهێ لالش تایێ باعەدرێ.


لسەر ڤێ یەکێ رە “خەلات باعەدری” بەرپرسێ بنگەهێ لالش تایێ باعەدرێ ژ “ئێزیدی 24” رە پەیڤی و گۆت ، ئەڤ هەردوو خۆل وێ هەیاما سێ مەها ڤەکێشن و هەموو رێ و شێوازێت فێربوونێ دهەیاما خۆلێ دە وێ ئێنە گۆتن دا کو ئەو شارەزا ببن ل سەر نڤیسین و خوەندینێ و تەڤلی بوون ل ژیان و کاروانێ خوەندەواریێ.

زێدەتر گۆت، هەموو پێدڤیێت ڤان خۆلا ژئالیێ رێکخەرێت خۆلا ڤە هاتینە دابینکرن و رۆژانە وێ بەردەوام بن.

“باعەدری” خوەیاکر ژی ، پیتێت زمانێ کوردی و عەرەبی ل خۆلەکێ دە تێنە گۆتن و ئا دی تایبەتە ب زمانێ ئینگلیزی ڤە.

زەلال ژی کر، ل تالیا ڤان خۆلا باوەرنامە وێ بسەر پشکداربوویان دە ئێنە بەلاڤکرن و هەکە هات و پێدڤی بوو ئەڤ هەردوو خۆل وێ دووبارە ژ هنەکێت دیرە ئێنە ڤەکرن.

ل تالیێ ژی گۆت، ل گۆر کارینێت خوە ئەوێ بزاڤێ کن بەردەوامبن لسەر ڤەکرنا ڤان جۆرە خۆل و پرۆژا ژ خەلکێ ناڤچەیێ رە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close