“حەیات سەعید” وێ کلیپەکی نوو بەلاکە
ئێزیدی 24 _ لەیت حسێن
سترانبێژا گەنج “حەیات سەعید” هەدەرێ کلیپەکی نوو بناڤێ “وەرە ئەم پەیمانا نوو کن” دکە و وەکە گۆتنا وێ قۆناغا تۆمارکرنێ خەلاسبوویە و ل نێزیک وێ ئێتە بەلاکرن.
لسەر ڤێ یەکێ رە “حەیات”ێ ژ “ئێزیدی 24” رە گۆت، ئەڤ هەیامەکە ئەز لسەر کلیپەکی نوو کاردکم و ناڤەرۆکا وی چیرۆکا ئەڤینیا نێڤ دوو ئەڤیندارا یە.
هەروەها زەلال کر، ئەڤ کلیپە بناڤێ “وەرە ئەم پەیمانا نوو کن” ژ پەیڤێت هۆزانڤان داود زەندینی یە و ئاوازێت سەلام حەمۆیە و ل ستۆدیۆی بەلسم بەعشیقی هاتیە تۆمارکرن.
خوەیا ژی کر، وێنەکرنا ڤی کلیپی وێ ل باژارێ دهۆک و شاریا بێ و ژبەر سەقایێ جەمدی هنەکێ دەرەنگی کەتیە کارێ وان دا.
زێدەتر گۆت، ل پاشەرۆژێ دە منێ کارێت باش هەبن و و وەکە کارینێت خوە ئەزێ بزاڤێ کم ببمە جهێ رادیبوونا جەماوەرێ خوە.
“حەیات سەعید” سترانبێژەکە ئێزیدی ئا خەلکێ دەڤەرا شنگالێ یە، پشتی کۆمکوژیا ئێزیدیا ل سالا 2014ێ و ئاوارەبوونا خەلکێ وێ دەڤەرێ، حەیاتێ دەست ب کارێ سترانگۆتنێ کریە و هەتا نوهە چەند ستران ب کلیپ چێکرینە.
