نووچە

پشتی نێزیکی شەش سالان، ئێزیدیەکی قوربانیێ سپایکەر هاتە ناسکرن

ئێزیدی 24 _ خەلیل پوکۆ

“مەروان خدر عەمەر” سەربازەکی عیراقیێ ئێزیدی یە لنێڤ هێزێت عیراقی دە، پشتی نێزیکا شەش سالا، پزیشکیا داد ناسناما وی ناسکر، کە ئیرۆ رۆژا دوو شەمێ 17/2/202 0 ئەو یەکە راگەهاند.

“مەروان” یەک ژ قوربانیێت کارەساتا سپایکەرە ل پارێزگەها سەلاح ئەلدین و ل گۆری راپۆرتێت حکومی 170 0 تێدە هاتینە کوشتن لسەر دەستێ رێکخستنا دەولەتا ئیسلامی ئا ناڤدار ب “داعش”.

سەباح کورێ شەهید “مەروان خدر عەمەر” ژ “ئێزیدی 24” رە گۆت، “بابێ من زێدەتر ژ 7 سالا خزمەت ل نێڤ هێزێت تایبەتێت عیراقێ “الفرقة الذهبية” دە دکر، و پشتی دەربازبوونا رێکخستنا دەولەتا ئیسلامی بۆ عیراقێ و روودانا کارەساتا سپایکەر، مە پەیوەندی ب وی رە ژ دەست دە و مە دگۆ کێرتێ ئەوی ئێخسیر بێ و ل سالێت چووی دە ئەم ل هێڤیا ڤەگەرا وی بوون”.

” سەباح” زێدەکر،” مە نووچە ژ نەخوەشخانا پزیشکیا داد بهیست ل بەغدایێ، باپیرێ من ژبەر وێ یەکێ چووە بەغدایێ و وێنە و بەلگەنامێت فەرمی ب داخوازا پزیشکیا داد ب خوە رە برن و پشتی تشت ب خوە رە برین دوپات کرن کە لەشێ بابێ من ناسکرن، و ئەڤ یەکە ل رۆژا دوو شەما چووی بوو، و لەشێ وی بۆ هەرێما کوردستانێ هاتە شاندن و مە دۆهـ ل رۆژا سێ شەمێ ل کەمپا کەبەرتوو وەرگرت”.

و” سەباح” داخواز ژ حکومەتێ و جهێت کاربدەست کر کە مالێت شەهیدا بێنە قەرەبۆکرن و لێکۆلین ل فایلێ کارەساتا سپایکەر بێتە کرن هەتا عەدالەت بێتە بجی ئانین و قەیرانا بەلەنگازیێ نەمینێ ئا هەکە مالێت شەهیدا تێدە دژین.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close