راپورت

پەیمانگەها “میرزۆ” ئا مۆزیکێ یەکەم کۆرسێ راهێنانێ ل شنگالێ ب تالی ئانی

ئێزیدی 24 _ لەیت حسێن

 

پشتی ڤەگەریانا ژیانێ بۆ شنگال و ڤەکرنا پەیمانگەهەکا مۆزیکێ ل کۆمەلگەها خانەسۆرێ ل شەمالی چایێ شنگالێ، یەکەم کۆرسێ راهێنانێ ژ خوەندەکارێت ڤێ پەیمانگەهێ رە ئەوا بناڤێ پەیمانگەها میرزۆ میوزیک خەلاسبوو.

ڤی کۆرسی 16 خوەندەکار ژ هەردوو رەگەزا بخوەڤە دگرتن ئەوێت کە ل شنگالێ ئاکنجی، ئەڤە و پشتی 6 مەها ژ راهێنانا ئەکادیمی لسەر وانێت مۆزیکێ ب جۆرێت وێ یێت جودا ڤە.

لسەر ڤێ یەکێ رە بەرپرسێ پەیمانگەهێ “فەهەد حەربۆ” ژ “ئێزیدی 24” رە پەیڤت و گۆت، پشتی 6 مەها ژ راهێنانا باش لسەر وانێت مۆزیکێ و ئالاتێت وێ یێت جودا، مە یەکەم کۆرسێ راهێنانێ ژ کەچ و خۆرتا رە خەلاسکر.

و بەردەوام کر، ئەندامێت ڤێ تیمێ ئەوێت دەرچووین نوهە پێزانینێت باس هەینە و کارن ل ڤی باری دە کاربکن ژبەر کە ب ئاوایەکی ئەکادیمی و نیڤ دەولەتی راهێنان پێ هاتنە کرن.

هەروەها زەلال کر، پەیمانگەهـ وێ دووبارە ئێتە ئاڤاکرن و پشتی هنگێ کۆرسێ دووێ وێ ژ هژمارەکا کەچ و خۆرتێت هەموو ناڤچەیێت شنگال رە ئێتە ڤەکرن.

“فەلاح حەسەن” یەک ژ وانێت راهێنان وەرگرتی ژ “ئێزیدی 24” رە گۆت، مە مفایەکی باش ژ ڤی کۆرسی دیت و مە وانێت باش لسەر مۆزیکێ و ئالاتێت مۆزیکێ یێت جودا رە برن و ئەم نهوە زانیاریێت باش لسەرە زانن.

زێدەکر، پشتی ئەم ژ پەیمانگەهێ دەرچووین ئەم کارن ئالاتێت مۆزیکێ بژەنن ئەم کارن هاریکاریا کەسێت دی ژی بکن دا زێدەتر لێ شارەزابن.

“فەلاح” گۆتنا خوە ژ “ئێزیدی 24” ب تالی ئانی، ب داخوازکرن ژ خۆرت و کەچێت ل شنگالێ کە بەرێ خوە بدنە کۆرسێت مۆزیکێ دا کارینێت خوە ل ڤی باری دە باشتر لێ بکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close