گۆتار

خدر الياس و سالا چاندنێ خەلاس

ئەلیاس نەعمۆ خەتاری

ب شێوەکی گشتى ئێزديان باوەریەکە مەزن بسروشتى هەیە هەر ديسان فۆلکلۆر و کەلەپۆرێ باب وكالێن ئێزديان وێ چەندێ خوەیا دكەن د ژيانا سروشتيا بەرێ يا باب كالێن مه ئێزديان كا چاوا ئەو ژيانا بەرێ ب سەختى و دژواری دەربازدكر بۆ دوو مەرەما ئێك پەيداكرنا خوارن و قوتێ مال و زارۆکێن خوە و يادیژی ئەوبوو كو داب و نەریتێن ئاينێ ئێزدیا بێنه پاراستن و وەکو خوە بمينن.

هەکە بێن و بەرێ خوە بدەينێ د ڤێدەرێ دێ بۆ مە دياربت گەلەک هەلكەفت و عيد و عەرەفات يێن مه ئێزديان ڤێ چەندێ خوەيا دكرن ژوانه عيد و هەلكەفت و رێ و رەسمێن عيدا، هەره پیرۆزیا عيدا خدر الياس ل جەم مللەتێ مه یێ ئێزدی.

ئەڤێ عيدێ جهێ خوە دناڤ ئێزدیاندا هەیە ژئالیێ ئاينى ڤە خدر الياس و خدر نەبی دوو نەبیێن خودێ بە ( پێخەمبەر ) جهێن وان یێت پیرۆز هەنە و وەک قوب و ئاقد و نيشانگەهـ و رێ و رەسمێن تايبەت ب خدر الياس و خدر نەبی ڤە هەنە كو ئێزدی گەلەک جۆرين خێرێ دكەن ژ وانە سێ رۆژیان دگرن دوو شەمبوو و سێ شەمبوو و چارشەمبوو و رۆژا پێنج شەمبووێ دکەنە عيد.

جياوازیا ڤێ عيدێ دگەل عيدێن دن سەربر نائێنە كوشتن ژبەرکو پتریا گیانەوەران ل ڤی دەمی سالێ ب دوو گیان دکەڤت لێ گوننەهە بێتە كوشتن لەوما سمات نائێنە چێکرن رێ و رەسم وەك طواف و زيارەتبوون وعيد و عەرەفات ل لالشا نورانی و ل ناڤ گوند و کۆمەلگەهێن ئێزدی لێ دئاكنجى برێڤە دچن ، دناڤ قەول وبەیتێن ئاينێ ئێزديان ناڤ وبەحس وسەرهاتیێن تايبەت ب ڤاب نەبیێن خودێ فه هەنە.

ژ ئالیێ جڤاکی ڤە ئێتە ژبيركرن كو ل ڤێ عيدێ گەلەک داب ونەريتێن تايبەت هەنە وەكو چێكرنا قەلاتکان ئانكو قەلاندنا نۆكا و تۆڤکی و درايى يان گارسى هەر ديسان گەنم دئێته قەلاندن پاشی گرارەکە تايبەت بناڤێ چەرخوس يان پێخون رامانا وێ بێ خون بتنێ خوارنێت روەكى ژێ دئێته چێکرن هەر ديسان هندەك ژ وی گەنمێ قەلاندى دبەنه ئاشى يان لناڤ مالێ ب ئاميرێ هيرانێ یێ بەرێ دستارى دهێرن و ب دوشاڤێ ڤەسترين دابته هەڤیرەکێ شرين و خۆش و دكەنە سەركێت خەبيسێ و دخون كو نيشانا و شرينياهييا عيدا خدر الياس ددەت ژ ئاليەکى دی ڤە جۆتيار و خودان زەڤی هندەك ژ قەلاتكێن ڤێ عيدێ دبەنه ناڤ زەڤی و رەزی خۆ دا خێر و بەرەکەت بەفتێ.

عيدا خدر الیاس عیدا ئۆميد و حەزژێکرنێ یە ئەم ئێزدى دبێژین ل هێڤارا عيدێ بەری نڤستنێ هەر کەسەکی ئۆمێدەک هەبت بخۆ ژ خودێ بخوازيت دێ حاسلبت هەر ديسان دئێته ناڤكرن ب عيدا ئەڤیندارا كو ل ڤێ شەڤێ هەر كچەک يان كورەك دخوا خودا دچیتە سەر دەنگێ ئاڤا مالا ئەڤیندارێ خۆ بۆچی ئەم ئێزدی دبێژین خدر الياس وسال خلاس رامانا ڤێ گۆتنێ ئەوه كو وەرزێ چاندنێ ب دوماهيك هات و گەنم و نۆک وتۆڤک ودرا ئەوێ ژبەر چاندنێ زێدەكرى دكەنە چەرەز و عيدێ دگێرن ب ڤێ هەلکەفتێ لەوما دبێژین خدر الياس و سالا چاندنێ خەلاس و دهشته سار و بەفر و باران يا مايى هیڤيدارين ژ خودێ و تاووسی مەلەک سالا خێر و خۆشیێ بت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close