جیهانكوردستاننووچە

ب مەرەما رێگریکرنێ ل ڤایرۆسێ کۆرۆنا، ل هەرێما کوردستانێ بێهنڤەدانا فەرمی هاتە راگەهاندن

ئێزیدی 24 _ هەولێر

ئیرۆ رۆژا سێ شەمێ 25-2-2020، جڤاتا وەزیرێن حکومەتا هەرێما کوردستانێ کۆمبوونا خوەیا هەفتیانە ئەنجام دا و ب مەرەما رێگریکرنێ ل بەلاڤبوونا ڤایرۆسێ کۆرۆنا بێهنڤەدانا فەرمی راگەهاند.

لگۆری وێ بریارا جڤاتا وەزیرێن هەرێمێ، هەر ژ سوبە رۆژا چار شەمێ 26-2-2020، ل هەموو ناڤەندێت خواندنێ و خواندنگەهـ و باخچە و پەیمانگەهێت حکومی و تایبەتێت هەرێما کوردستانێ وێ بە بێهنڤەدانا فەرمی.

هەروەها ل هەمان بریارێ دە هاتیە، سەبارەت ب زانکۆ و پەیمانگەهێت حکومی و تایبەت ژی ژ رۆژا شەمبیێ 29-2-2020 هەتا 10-3-2020، وێ بێهنڤەدانا فەرمی بە، پاشی ژی ژ 11 هەتا 23-3-2020 وێ بێهنڤەدانا فەرمی ئا بەهارێ بە و ل رۆژا 2020/3/24 پرۆسا خواندنێ وێ دەست پێکە.

دیاربوویە ژی، هەردوو وەزارەتێت پەروەردێ و خواندنا بلند وێ ئێنە سەرپشک کرن ژبەر قەرەبۆکرنا رۆژێت بێهنڤەدانێ ئەوژی ل چارچۆڤێ سالناما خواندنا ئیسال دە.

ئەڤ یەکە ژی پشتی بەلاڤبوونا ڤایرۆسێ کۆرۆنا ل وەلاتێ ئیرانێ یە و گەهشتنا وی بۆ عیراقێ و توشبوونا 5 کەسا ب وی ڤایرۆسی ل هەردوو پارێزگەهێت نەجەف و کەرکوکێ، و ئەڤ بریارە ژی ب مەرەما رێگریکرنێ ل بەلاڤبوونا ڤایرۆسێ کۆرۆنا ل هەرێما کوردستانێ هاتیە دان.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close