راپورت

نڤیسەرەکێ ئێزیدی دوعا و قەولێن ئێزیدیا ل پەرتووکەکە خوە دە کۆم دکە

ئێزیدی 24 – ذياب غانم

ئێزیدیا گەلەک دوعا و قەول و بەیت و قەسیدێن دینی هەینە و پارێزا وان کرینە ژ سەر زمانێ یەک گرتینە بێی کە وان بنڤیسن و زێدەباری ڤێ یەکێ ئەڤ دوعا و قەول هەتا نوهە ماینە.

پەرتووکا قەول و بەیت و قەسیدە و دوعایێن ئێزیدیا، ژ کارێ نڤیسەرێ ئێزیدی “پیر ئێزدین”ە و هاتیە وەرگێران بۆ زمانێ عەرەبی ژ با “فرماز غەریبۆ” ڤە، پەرتووک دەهان تێکستێن دینی یێن ئێزیدیان تێدە هەنە.

نڤیسەر “پیر ئێزدین” یێ ئەڤ پەرتووک چێکری ژ “ايزيدي 24” رە پەیڤی و گۆت،“من گەلەک پەرتووک هەکە ل سەر ئێزیدیا هاتین نڤیسین دیتن و خوەندین من بێ سەروبەریەک تێدە دیت و ژبەر ڤێ یەکێ من بریار دا ئەز ل سەر ڤێ پەرتووکێ کاربکم و ل 2004ـێ من دەست ب نڤیسانا وێ کر”.

بیتر گۆت،“من گەلەک ئۆلدارێت ئێزیدیا دیتن ل هەر دەهـ ساڵێت هەکە من تێدە ل سەر ڤێ پەرتووکێ کاردکر و من پشت ب زێدەتری دەهـ زەلامێت ئاینی ژ دەڤەرێت جودا جودا یێت ئێزیدی لێ هەین”.

بەردەوامی دا گۆتنا خوە،”پەرتووک ژ 536 پەڵا پێک تێ و ب دەها دوعا و قەسیدە و قەول و بەیتێت گرێدای ب گەلەک بابەتا ڤە ژ وان ژی یاسایێت ئێزیدیا و ئافراندنا دنیایێ”.

هەروسا گۆت،“پشتی دەربازبوونا پانزدە ساڵا ژ دەستپێکرن بنڤیسانا وێ، ل شوباتا ساڵا 2019 ئەز ژ نڤیسانا وێ خەلاس بووم و من دەرێخست، و ئەڤ پەرتووک ب گەلەک گرنگی دانی ژ بەر هەکە یا یەکێ یە ژ جۆرێ خوە و گەلەک تێکستێت دینی یێت پیرۆز ل دەڤ ئێزدیا تێدە هەینە”.

نڤیسەر پیر ئێزدین پیر عیدۆ ل ساڵا 1976ـێ ل گوندێ تل خاتونیێ یێ سەر ب دەڤەرا تربەسپیێ ڤە ل سوریا، پشتی قوناغا یەکێ ژ خوەندینا خوە تەمام کری ل ساڵا 1992ـێ چوویە ئەلمانیا و دیوانەکە هەلبەستا هەیە ب ناڤێ “دەنگێ وەلاتێ من” کو ل سالا 1997ـێ دەرێخستیە و چوویە گەلەک وەلاتا ژوان ژی جۆرجیا و مەغریب و تونس.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close