ئێزیدی 24 – دهۆك
ئێڤاریا ئیرۆ رۆژا دوو شەمێ 06-04-2020، ماجد سەید سالح جێگرێ پارێزگارێ دهۆکێ ب وەکالەت کۆنگرەکی رۆژنامەڤانی چێکر و تێدە سوپاسیا خەلکێ دەڤەرێ و هێزێت ئەمنی کر، و دیارکر کە ب هاریکاریا ڤان هەموو ئالیا بریارا قەدەغەیا هاتنوچوونێ ئا 48 دەمژمێری ب رێژەکا گەلەکا باش ل سنوورێ پارێزگەها دهۆکێ هاتە جێبەجێکرن.
هەروەها جێگرێ پارێزگاری خوەیاکر ژی، ژ قۆناغا یەکێ رە كە سبه‌هى 07-04-2020، وێ ده‌ست پێكه هنه‌ك جهێت فه‌ر وگرێداى ب ژیانا رۆژانە وه‌لاتیانڤه وێ ئێنه ڤه‌كرن وه‌كە ناپێژیى وسه‌مونخانه و ماركێت وجهێت زه‌رزه‌واتى وگۆشت فرۆش وسپیاتى وگومركێن فێقى و…هتد، هه‌روه‌سا ل رۆژێت ل پشت رە ژی كارێ رێكخستنا هنه‌ك سه‌كته‌رێت دی ژی وێ ئێته راگه‌هاندن و به‌رفره‌هتر بیت وه‌كە بیاڤێ چاندنێ وپه‌له‌وه‌را وخوەدانكرنا ماسیا وهتد.
پتر گۆت، پلانا قۆناغا یەکێ وێ بڤى ئاوای بە:
– سه‌مونخانە و نانپێژی ژ سەعەت (4 سبەهێ هەتا 5 ئێڤارى).
– ماركێت وسپیاتیا ژ سەعەت (6 سبەهێ هەتا 5 ئێڤارى).
– گۆشت فرۆش ژ سەعەت (8 سبەهێ هه‌تا 4 ئێڤارى).
-گومركێت كه‌سكاتیێ ژ سەعەت (5 سبەهێ هه‌تا 2 ئێڤارى).
– ده‌رمانخانه وپانزینخانه وێ ب سیسته‌مێ نوبه‌دارى ئێنه ڤه‌كرن هه‌روه‌ها غاز و گازوایلا موه‌لیدا ژ سەعەت ( 9 سبەهێ هەتا 6 ئێڤارى) وێ ئێنە ڤەکرن.
ل هەمان وەخت دە، جێگرێ پارێزگارێ دهۆكێ ب وه‌كاله‌ت داخواز ژ وه‌لاتیان كر كە هه‌موو دپێگربن ب رێنمایێت ساخله‌میێ وقه‌ره‌بالغێ دروست نه‌كهن وده‌ستگورك وكه‌ماما ب كاربینن وەختێ دچنە ماركێت یان هه‌ر جهەکی دكن هه‌روه‌ها خوەدانێت سه‌مونخانا وماركێتا ژى وان كه‌ره‌ستێت خوەپاراستنێ ب كاربینن ژبەر پاراستنا ساخله‌میا گشتى ئا وه‌لاتیان.
