كوردستاننووچە

ژۆرا ئۆپەراسیۆنان ل پارێزگەها دهۆکێ چەند بریارێت نوو دەرئێخستن

ئێزیدی 24 – دهۆك

دۆهـ ئێڤاری 07-04-2020، ژۆرا ئۆپەراسیۆنان یا بەرهنگاربوونا ڤایرۆسێ کۆرۆنا ل پارێزگەها دهۆکێ چەند بریار و رێنمایێت نوو ژبەر هاتنوچوونا جۆتیارا و خوەدان بازارا دەرئێخستن.

ئەو بریار و رێنما ژی ب ڤی ئاوایی نە:

– نڤیسینگەهێت چاندنێ و کلینیکێت فیتێرنەری ژ سەعەت (8 سبەهێ هەتا 1 پشتی نیڤرۆ).

– جۆتیارێت خوەدان ( رەز و بوستانێت کەسکاتیێ و هەنگەفان) چوون ژ سەعەت (5 هەتا 7 سبەهێ)، ڤەگەریان ژ سەعەت ( 4 هەتا 6 ئێڤاری).

– ڤەگوهاستنا بەرهەمێ ناڤخوە ( سپیاتی و فێقی و کەسکاتی و ماسی و ئاژەلێت زیندی) ژ سەعەت ( 5 سبەهێ هەتا 2 پشتی نیڤرۆ).

– ڤەگوهاستنا جیچەلۆک و مریشکێت زیندی ژ سەعەت ( 6 سبەهێ هەتا 6 ئێڤاری).

– ڤەگوهاستنا کەل و پەلێت چاندنێ ( تۆڤ و قرکەر و کێمیا و سۆندە و میرەشە و ئالیک و…) ژ سەعەت (6 سبەهێ هەتا 2 پشتی نیڤرۆ).

– پرۆژێت ( ئاژەلی، پەلەوەران، سەربرخانە، مفقس، مریشکێت هێکا و کارگەهێت ئالیکی) ژ سەعەت (5 سبەهێ هەتا 5 ئێڤاری).

– (سەربرخانێت ئاژەلی) چوون ژ سەعەت ( 5 سبەهێ هەتا 6)، ڤەگەریان و دابەشکرنا گۆشتی ژ سەعەت ( 12 شێڤێ هەتا 8 سبەهێ).

– خوارنگەها دلیڤەری ژ سەعەت (6 سبەهێ هەتا 5 پشتی نیڤرۆ).

هەروەها ژۆرا ئۆپەراسیۆنان خواست کە جۆتیار و خوەدان بازار پێگریێ ب ڤی خشتەی بکن و مەفای ژ دەلیڤێ ببینن وکاروبارێت خوە یێت چاندنێ بجی بینن.

دیسان ژی دیارکرن، کە دڤێ جۆتیار و خوەدان بازار ل وەختێ کارکرنێ ژی پێگریێ ب رێنمایێت ساخلەمیێ بکن دا ژڤایرۆسێ کۆرۆنا دپاراستی بن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close