گۆتار

دەمێ رێزگرتن نەمینت دێ وەسابت

ئەلیاس نەعمۆ خەتاری

ل سەرتاسەری دەولەت و هەرێمێن جیهانێ رۆژانە ب ھزارەھان نەخوەشێن ڤایرۆسێ کۆرۆنایێ یێت مرن و مەزنترین دەولەتێن جیھانێ کار و پلانێن وان وێ تێک چووین ل دژی ڤی ڤایرۆسی ونزانن کا چ بکەن ژبۆ ڤێ ئێشێ دا کو کۆنترۆلێ لسەر بکەن چونکی ھەتا نوکە چ چارەسەری بۆ نەدیتینە و سەرەڕای کو قۆناغێن ژ مە باشتر بۆ چارەسەریێ هاڤێتینە لێ ھێشتا ئەو دبێژن ئەم وێ ل قۆناغا دەستپێکێ دا و دەما ڤایرۆسێ کۆرۆنا دێ دگەل مە درێژبیت.

ل ھێرە من دڤیا بێژم دەمێ رێزگرتن نەمینت دێ وەسا بت ئەرێ مانە وە رێز ل گەلێ جیھانی نەکر وە رێز نەدا مالباتێن کەسێن ب ڤێ نەخوەشیێ مرین وە رێز نەدا حکومەتێن وان دەولەتێن زەرەرا ھەرە مەزن گەھشتیێ ژ ڤی ڤایرۆسی و بەروڤاژی ھەموو پێدڤیێن ب رێڤەبرنا ژیانا وە یا رۆژانە ژوان دەولەتانە.

ئەرێ ما ئەڤ چ سەرکەفتنە ب شەرێ گولەیان ل دژی ڤی ڤایرۆسی دگەل ئەسمانێ بێ سنوور هوون دکەن ئەرێ مانە دوھی بوو هەر گەلەکا ژ وە خوە ئامادەکربوون برەڤن و ب هزرا وە رەڤین ژ جهەکی بۆ یێ دی چارە بوو کو دهێتە زانین ژی ئەڤ ڤایرۆسە چ سنوور بۆ نینن، پا مادەم ھندە چەک و گولە وە لناڤ مالێن خوە ھەنە ھون ھەموو ل رۆژین تەنگاڤیا و ل رۆژین سەخت و دژواردا ل کیدەرێ بوون دێ پا ھوون ب وی چەکێ خوە بەرەڤ سەنگەراڤە چووبانە و وە بزوترین دەم دوژمن شکاندبا، نە لڤر و ل دژی دوژمنەکی نەهێتە دیتن هوون هۆسا تەقە تەقێ دکەن ئەرێ عەیبە خالۆ عەیبە ھەما ژخودێ مەزن مەممنون بن بەرێ ڤایرۆسی نەکەفتە وە و کەفتە وان ئەرێ ھەکە بخودێ زۆر یا ب زەحمەت بوو کو زوو ژێ قورتال ببن.

هەر وەک دبێژن عاقل تانجێ زێرینە لێ دسەرێ ھەموو کەسی دا نینە، بخودێ ئەوێن ب ھەلکەفت وسەرکەفتنا بسەر ڤی ڤایرۆسی دا گولەیان بەرددەن و ژ خوەڤە ئاهنگا دگێرن ئەوان ئەو گولە نە ب خۆھدانا ئەنییا خوە کرینە و نەژی ماندیبوونە پێڤە لێ یا خوەیایە کو چاوایە و هاوکێشە بەروڤاژی ل هێرە دهێتە سەلماندن.

سەرەڕای هەر تشتەکی دبێژم خودێ مە ھەمووان تێکدا بپارێزێت ژ ڤێ ئێشا کۆرۆنا و ڤی ڤایرۆسی ژ مە دوور بکەت و خودێ هاریکارێ وان کەسان بت و سەر بئێخیت بکەت ئەوێن کو ب شەڤ و رۆژ کاردکەن دا کو چارەسەریا ڤێ نەخوەشێ ببینن، ئەرێ چ گاڤا چارەسەری دیتن و توشبوویێن ڤایرۆسی چارەسەر بوون، ئا وی دەمی دێ بتە سەرکەفتن بۆ هەموو مرۆڤایەتیێ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close