راپورتكوردستاننووچە

گەلۆ قوتابیێت ل شنگال وێ بنە قوربانیا سیستەمێ ئەلکترۆنیێ خوەندنێ ل ز.دهۆک یا پۆلیتەکنیک؟

ئێزدیدی 24 – ذیاب غانم

شنگال، ئەو باژێرێ کەتیە بەر بایێ هێرشا تیرورستێن داعش ل دەما نها دە چ خزمەتگۆزاری تێدا نینن و گەلەک پرسگرێک لێ هەنە، ئەو پرسگرێکێن ل شنگال هەین پرسگرێکەکە مەزنتر دورست کریە و بوویە مەترسی کو سالا خوەندنێ یا وان قوتابیێت ل وێدەرێ دمینن بێ سەرکەفتن ب دوماهیک بێت.

ژمارەیەکە بەرچاڤ ژ قوتابیێت زانکۆیا پۆلیتەکنیکی یا دهۆک ل هەرێما کوردستانێ نەماینە پشتی کو پشوو هاتیە سەپاندن ب سەدەما رێگرتن ل بەڵاڤبوونا ڤایرۆس کۆڤید 19 و چووینە شنگال وزانکۆیێ ل رووینشتنا خۆ یا دوماهیێ دا چەند بریار دەرێخستن ئێک ژوان ئەوبوو کو ل 2یێ هەیڤا 5 خواندنا ئەلکترۆنێ وێ دەستپێکەت و ئەڤ بریار بوونە جهێ دلگرانیا قوتابیێن زانکۆیێ یێن ل شنگال دمینن ژبەر نەبوونا ئینتەرنێتەکا باش و کارەبێ ل دەڤەرێ.

“شکر مچۆ” ئێکە ژ قوتابیێن زانکۆیا دهۆک یا پۆلیتەکنیکی و ل شنگالێ دمینێ ژ “ئێزیدی 24” رە ئاخفت و گۆت،“چ بريارا بهێته دان و بێژيت بەلێ بۆ خوەندنا ئەلکترۆنی هەر ب چ شێوەیی بیت ب پشت راستیڤە نە دبەرژەوەندیا مەدا یە وەک قوتابیێت ل شنگالێ دنیشتەجێ”.

خوەیاکر ژی،“گەلەک ئاریشە هەنە دێ هندەکا بێژم بەلێ ژ گۆتنا من پترن و یا ژ هەمیا گرنگتر نەبونا ئەنتەرنێتەکی باش بەلکی 60% ژ قۆتابیێت شنگالێ هەر ئێکسەر ئەنتەرنێت نینن و ژێدەرا ئەنتەرنێتێ ژی مووسلە و هەبیت نەبیت نەخەما وانە و کارەب ژی نەباوەر پێ کریە و هندەک جارا دوو رۆژا نائێت و دیسانێ گەلەک ژ خەلکێ مە لبن هێلا فەقیریێدا دژین و ئەو کارین نینن ئەنتەرنێتێ یان موبایلەکی زیرەک بکرن”.

وداخواز ژ جهێن بەرپرس کر،“ئەم دخوازن خواندن بهێتە پاش ئێخستن بۆ دەمەکێ گونجایی
و دبینم ئەڤ داخواز نە ب تنێ یا مە قۆتابیێت شنگالێ یە بتریا قۆتابیا ئەڤێ داخازێ دکەن
بەلێ ئەز نزانم چ ئەگەرە کە وەها درژدن ل سەر جێبەجێکرنا ئەڤێ بریارێ و نابیت بەراوردیا کوردستانێ ب دەولەتێن ئەوروپی بێتە کرن و ئەم ببنە قوربانیێن ڤێ بەراوردی”.

وزەلال ژی کر،“ب لێبۆرین ڤە هەتا نوهە کەسەکی بەحسێ حالێ مە نەکریە، مە داخواز ژ کەنالا و پەیچین سوشیال میدیایێ ژی کر بەلێ داخوازا مە بەرچاڤ نەهاتە وەرگرتن”.

بەرپرسێ ڕێڤەبەریا ڕاگەهاندنا سەرۆکاتیا زانکۆیا دهۆک یا پۆلیتەکنیک “سەرکەفت رەشید” ژ “ئێزیدی 24” را ئاخڤی و گۆت،“هەر ژ دەستپێکا زانکۆیێ ئەڤ سیستەمە هەیە بەلێ ژ بارودۆخێن نەچاڤەرێکری وەکە ڤی بارودۆخێ کۆرۆنا یێ نوهە ئەم تێدا”.

هەروەسا گۆت،“پێدڤیە قوتابی پێگیربیت ب رێنمایێن زانکۆیێ و ئەگەر پێگیر نەبن دێ زەرەر ب قوتابی کەڤیت نەک زانکۆیێ و ئەڤ سیستەمە ژ ئالیێ وزارەتێ ڤە هاتیە دانین و پێدڤیە بێیە جێبەجێکرن و ل ڤردا بەرژەوەندیا قوتابی ژ یا زانکۆیێ پترە ژبەر هاتن و چوون دبیتە تنە و بتنێ بیست نمرە ل سەر ڤێ خواندنێ نە و ئەگەر بتنێ قوتابی بچە دناڤ سیستەمیدا دێ پێنج نمرا بدەستخۆڤە ئینیت و یێ دی ل سەر کویزا و چالاکیێت دی یێت قوتابیان دمینێ وەک کویز و ڕاپۆرت”.

دیسانێ گۆت،“و هەکە هات و ئەڤ ماوەیێ هاتیە دەستنیشانکرن ب تالی هات ل دەستپێکا هەیڤا شەش هنەک بریارێن دێ ئێنەدان ل سەر خواندنا پراکتیکی و بەشێ دی یێ خواندنێ”.

ل دوماهیێ گۆت،“ئەز دبینم کە چ ئەگەر نینن قوتابی پێگیر نەبن ژبەر ئەنتەرنێت ژی ژ قوتابیا رە ب تنەیە وئەگەر هات و قوتابی دپێگیر بن و نمرەیێت باش بدەست خۆڤە ئینان نمرە دێ هێنە سەپاندن و ئەگەر پێگیر نەبن دێ جارەکا دی کویز هێنە ئەنجامدان”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close