راپورتنووچە

جووتیار ژ سیناریۆیا سالا پار دترسن، و حکومەتێ ژی چەند رێکار برینە دا دەخل و دانی پاراستی بێ

ئێزیدی 24 – تەحسین هەسکانی

ب دەستپێکرنا وەرزێ چنینا گەنم و جەهـ رە، ترس ل با جووتیارێت قەزا شنگال چێبوویە کە وەکە سالا پار دەخل و دانێ وان بێیە شەوتاندن، کە زەرەرەکە مەزن گەهاندە وان و هەتا قوربانی ژی دان، و کەد و زەحمەتا وانا سالەکێ ب وی ئاگری رە چوو.

جووتیار “خەیری ئیبراهیم” (یەکە ژ وانێت کە زەرەر گەهشتیێ وەختێ دەخل پار شەوتین) ژ “ئێزیدی 24” رە گۆت،“ل سالا 2019 زەرەرەکە مەزن گەهشتە مە ژ بەر شەوتینا بتر ژ 700 دۆنم ژ گەنم و جەهـ”.

هەروسا گۆت،“نە بتنێ زەرەرا ماددی بوو بەلێ مە هنەک روهـ ژی ژ دەست دان”.

یەک ژ کەس و کارێت “ئیبراهیم” پۆلیس بوو ب پلەیا رائد دگەل هنەک کەسێت دی ل روودانەکە هاتن و چوونێ دە ل زاڵگەها ئوم ئەلشبابیت گیانێ خوە ژ دەستدان وەختێ ئەو ل نیزیک وی ئاگری رە چووین ئاگر گەهشتە وان و شەوتین.

ژ ئالیێ خوەڤە، قایمەقایمێ قەزا شنگال “فەهەد حامد” گۆت،“کۆمبوونەک هاتە چێکرن ب هادربوونا سەرکردەیێت هێزێن ئەمنی و جیهەتێت بەرپرس ل قەزایێ و ب هادربوونا ژمارەیەک ژ جووتیارا دا بابەتێ دەخل و دانی بێیە بەحسکرن”.

وخوەیاکر،“چەند خال هاتنە بەحسکرن ل نێڤبەرا هێزێن ئەمنی و جووتیارا دا، ژوان هەبوونا هاریکاریێ ل نێڤا وان دا و رێ خوەشکرن ژ جووتیارا رە ل چوون و هاتنێ و هەروسا فەرە جووتیار دهشیار بن و جغارا و هەر تشتەکی کە چێدبێ ببیە ئەگەرێ ئاگر ناڤیژن”.

ئاماژە ژی کر،“فەرە هاریکاری ل نێڤ جووتیارا ژی دە هەبێ دا چاغێ ئاگر ب دەرەکێ دکەڤێ بێیە کونترۆل کرن بێی زەرەرەکە مەزن بگەهیە وان”.

دیسا گۆت،“مە داخواز ژ رێڤەبەریا چاندنا نەینەوا کر دا سێ تەرمبێلێت ڤەمراندنا ئاگر بێنە بەردەستکرن ژ حالەتێن دەملدەست رە و دا سیناریۆیا سالا پار دووبارە نەبێ و وێ ل رۆژێت تێ دە گەهنە شنگال و کەڤنە خزمەتا خەلکێ”.

زەلال ژی کر،“گاز ژ دەراسا رە هاتیە پەیداکرن و جووتیار کارن ب دەست خوەڤە بینن ژ جهێن بەلاڤکرنا گازێ ب برنا فەرمانەکێ ژ جیهەتێت بەرپرس ل دەڤەرێ”.

هەروەها گۆت،“بابەتێ بەردەستکرنا مەیدانەکێ ژ گەنم و جەهـ رە وەکە ل قەزا و ناحیێ دی هەیی هاتە بەحسکرن ب جیهەتێت شولەژێ و هەروسا ب رێکخراوەکە مرۆڤایەتی رە و ئەم گەشبینن کە ل رۆژێت تێ دە بەردەست ببێ”.

زەرەرێت کە گەهشتینە جووتیارێت شنگال ل سالا چووی ب ڤی شێوەی بوون :

قەزا شنگال/
79،000 دۆنم ژ گەنم
12،581 دۆنم ژێ هاتنە شەوتاندن
234،000 دۆنم ژ جەهـ
34،588 دۆنم ژێ هاتنە شەوتاندن

نەهاتنە قەرەبووکرن
زەرەرێت گیانی نەبوون

ناحيا سنونێ/
56،000 دۆنم ژ گەنمی
1،595 دۆنم ژێ هاتنە شەوتاندن
195،000 دۆنم ژ جەهـ
1،050 دۆنم هاتنە شەوتاندن

نەهاتنە قەرەبووکرن
3 حالەتێت مرنێ ژ ئەگەرێ ئاگر چێبوون و هنەک بریندار بوون

ناحیا قەحتانیە (تل عزێر)/
8،166 دۆنم ژ گەنم
ب تەمامی شەوتی
24،515 دۆنم ژ جەهـ
10،037 دۆنم ژێ هاتنە شەوتاندن
زێدەباری چاندنا نیزیک 12،000 دۆنمی ژ گەنم و جەهـ کە ل هۆبا چاندنا نەهاتبووە تۆمارکرن و ژ وێ ژی 3،740 دۆنم ژ گەنمی شەوتی

نەهاتنە قەرەبووکرن
زەرەرێت گیانی نەبوون

ل هەردوو هەفتیێت چوویی دا ل هنەک پارێزگەهێت عراقێ رووبەرەکی مەزن ژ گەنم و جەهـ شەوتی و زەرەرەکە مەزن گەهاندە جووتیارا.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button