گۆتار

رەبەنم نە رەسەنم

سەعدون حسێن

پرسیارەک بو وان ئەوێن دبێژن ئێزدی کوردێن رەسەنن و ئێزدیا بھایەکی تایبەت ل کوردستانێ دا ھەنە ل ڤێرێ ئەز ژ ھەوە دپرسم رەسەنی و بھایێ مە یێ ل بن جادرکا ئاواریێ و سەر بوستەنایە یان ئەوە ب ھاوەلاتیێ پڵە ٥و٦ و بھێمە حساب کرن ب چەند پلە ژێر مرۆڤا مەمەلا وەکو مروڤا دگەل من ناھێتە کرن و خوارنا من نە ھێتە خوارن یان ئەوە ئەز ئاوارە بم ل وەلاتێ خۆە دا ئەرێ ئەز رەبەنم یان رەسەنم؟ ئەگەر ئەم بەرێ خۆ بدنێ ژیانا (ب ناڤ کوردێن رەسەن) دێ بینن ھەر کریکارەکی ل کوردستانێ دە شوغلەکی ب زەحمەت بکەت تو ژێ بپرسێ دێ بێژێت ئەز ئێزدیمە ئەرێ دبێژنە ڤێ یەکی رەسەنی یان رەبەنی؟ بتنێ پەیڤە رەسەن وەکی حەبککە مسەکنا ل برینێن مە ددن بەلێ دەمێ دەمێ وێ ب سەر ڤە دچێت نوو ب کوریا برینا خۆ دحەسن گەلەک دئێشن لێ ئەم مللەتەکێ نەزانن ب چەند پەیڤەکێن خۆش و وەسفکرنەکا ب تامە سفکاتیێ پێکرنێ ب سەردە دچن ھەر وەکو چ چێ نە بووی ئەوە چووی ھەموێ ژبیر دکەن، من گوھ لێ نە بوویە ئێک ژ سەرکردێن ھەرێمێ وەکی وێ لاھیا ل دھۆکێ رابوێ د ماوەیەکی کێم سەرەدانا وان کرن ھەمی ھاتنە قەرەبۆ کرن.

من نەدیت ئێکی بتنێ ژی سەرەدانا وان چادرا کر ئەوێن شەوتین زارۆک ل ناڤدا شەوتین من گۆھ لێ نابوو دەمێ زڤستانێن سەرمای بارانێ چادرک ب سەر مەدا دئێخست و ئەم بێ مال دمان ل بەر لاھیا دچوون ئێکی پرسا حالێ مە نەکر وەکو کوردێن موسلمان .

ئەرێ گیانێ ھندە یێ بێ بھایە ل دەڤ ھەوە؟ ھێش کەسەکی نە گۆتیا من رەسەنی بۆ چییە ئەگەر رەسەن بوون ئەڤ بێت مە بۆ جییە ئەم ڤێرێ ئەم دبنە رەبەن نا رەسەن، ل ڤێرێ ئەز دێ بێژمە وان ئەگەر ب ڤێ ئەوای قەدرێ رەسەن بوونا مە بگرن ھێدی ھێدی ئەوێن ماین دگەل کوردینیێ ئەو ژی دێ خۆ ژ کورد بوونێ دور کەن ژبەر کو ئەم ڤەلاتیەکا مەزن ل کورد بوونا خۆ دا دبینن مە چ تشت نە دیتیا ھاتە کو ب رەسەن بوونا خۆ بحەسین.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close