كوردستاننووچە

گۆتەبێژێ ساخلەمیا هەرێمێ بۆ “ئێزیدی 24″، هەکە پێویست ببە وێ دووبارە قەدەغەیا هاتنوچوونێ راگەهینن

ئێزیدی 24 – لەیت حسێن

گۆتەبێژێ وەزارەتا ساخلەمیا هەرێمێ راگەهاند، هەکە رەوشا ساخلەمیێ ل هەرێمێ نە باش ببە ئەوێ قەدەغەیا هاتنوچوونێ ل سەرتاسەری هەرێما کوردستانێ راگەهینن.

“محەمەد خۆشناو” گۆتەبێژێ وەزارەتا ساخلەمیا حکومەتا هەرێما کوردستانێ ل لێدوانەکا تایبەت دە ژ “ئێزیدی 24” رە خوەیاکر، رەوشا ساخلەمیێ ب ئاوایەکی گشتی ل هەرێمێ باشە و ل بن کۆنترۆلا وان دایە.

هەروەها زەلال کر، هەیاما هەفتیەکێ بوو چ حالەتێت توشبوونێ ب ڤایرۆسێ کۆرۆنا ل هەرێمێ نە هاتبوونە تۆمارکرن لێ دیسا ل پارێزگەها سلێمانیێ ل چەند رۆژێت دەربازبووی دە هنەک حالەت هاتنە دەستنیشانکرن.

زێدەتر گۆت، مەترسیا ڤایرۆسێ کۆرۆنا هەتا نهوە ل هەرێمێ مایە و پێدڤی یە خەلک خوە ب پارێزە دا هەرێم وەکە وەلاتێت دی نەبە ژبەر براستی ژی وەزارەتا ساخلەمیێ هەتا نهوە گەلەک ب باشی کۆنترۆل لسەر رەوشا ساخلەمیێ کریە و خودێ نەکە ژبن کۆنترۆلێ دەرکەڤە وێ گەلەک مەترسیدار ببە.

ب گۆتنا گۆتەبێژێ وەزارەتا ساخلەمیا هەرێما کوردستانێ، هەکە هات و خودێ نەکە رەوش نە باش ببە و پێویست بوو ئەوێ قەدەغەیا هاتنوچوونێ ل سەرتاسەری هەرێما کوردستانێ راگەهینن و وێ رێکارێت توندتر ئێخنە بەر.

ئاماژە ب وێ یەکێ ژی کر، پیکەتیێت ڤایرۆسێ کۆرۆنا ئەوێت نهوە ل نەخوەشخانا دە ل بن چاڤدێریا پزیشکی داینە و رەوشا تەمامیا وان ئا باشە و دبە کە ل نێزیک پشکنینێت وان یێت تالی بێنە کرن و هەکە هات و ب تەمامی ساخبوون وێ ڤەگەرینە مالێت خوە.

ل تالیا گۆتنا خوەیا ژ “ئێزیدی 24” رە گۆتەبێژێ وەزارەتا ساخلەمیا هەرێما کوردستانێ هەروسا گۆت، کە پێویستە خەلک پێگربن ب رێنمایێت ساخلەمیێ و خوە ب پارێزن دا رەوش لڤر ئالۆز نەبە و هەرێما کوردستانێ ژ ڤایرۆسێ کۆرۆنا ڤالا ببە.

لگۆری تالی ئامارا پیکەتیێت ڤایرۆسێ کۆرۆنا ل هەرێما کوردستانێ ئەوا ژئالیێ وەزارەتا ساخلەمیا هەرێمێ ڤە هاتیە راگەهاندن هەتا نهوە 413 کەس ب ڤی ڤایرۆسی کەتینە و 383 کەس ب تەمامی ساخبووینە و ڤەگەریاینە مالێت خوە و 5 کەسێت دیتر ژی ب ئەگەرا ڤایرۆسێ کۆرۆنا مرینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close