گۆتار

چـارەنڤـيـسێ ئـاوارەیـێـن شنگالێ بەرەڤ کـیڤـە؟

ئەمین حەجی خوەدێدە

ئەڤە بۆ ماوێ چەندەکێ یە دیاردا ڤەگەرێ دناڤ ئاوارەیێن شـنگالێ دا گەلەک بەربەلاڤ بوویە، سەرەرای ھندێ کۆ خەلکێ شـنگالێ دزانت نە خزمەت گۆزاری ل شنگالێ ل ئاستێ پێدڤی دانە و نه بارودۆخێ شنگالێ یێ ئێمناھیێ یێ جێگيرە، و نە شنگال ھاتیە ئاڤەدانکرن، و نە چ هێز و لایەنان ل بەرە ئەڤان تشتێ مە ببیر ئیناین بجھ بینت!!!
ئەرێ ئەگەرێ بەلاڤبوونا ڤێ دیاردێ چییه کو ھندە ب گەرمی دناڤ ئاواریێن شنگالێ بەلاڤ دبیت.

ئەرێ ھێزەک یان لایەنەک ل پشت ڤێ دیاردێ ھەیە کو پالپشتیا ئاوارەیان دکەت داکو ڤەگەرنە سەر جھ و وارێن خۆ یان ئەڤە ژی یاریەکا پارتێن سیاسیە؟ ھەر ژ سالا 2014 ھەتا نھۆ چ جارا دیاردا ڤەگەرێ وەکو ڤێ جارێ دناڤ ئاوارەیێن شنگالێ دا بەربەلاڤ نەبوویە، ڤەگەر بۆ سەر جھ و وارێن خۆ بوویە بابەتکێ رۆژانە دناڤ ئاوارەیێن شنگالێ دا، دھێتە پێشبینیکرن ئەگەر ڤايرۆسێ کورونا ب دوماھیک ھات پڕانیا ئاوارەیێن شنگالێ ڤەگەرنە سەر جھ و وارێن خۆ، و ب پشت راستیڤە بێزاری ژ خیڤەتان و نەبوونا خزمەت گۆزاریان دناڤ خیڤەتگەھان دە ئەگەرێن سەرەکینە بۆ ڤێ دیاردێ، سەرەرای ھندێ کۆ خەلکێ شنگالێ دزانیت خزمەت گۆزاری نە ل ئاستێ پێدڤی دانە و ب تایبەتی ل کەرتێ ساخلەمیێ، و ھەر وەسا بارودۆخێ ئەمنی نەی جێـگیرە ھەر وەکو یا دیار سەرپێچیا یاسایێن نیڤ دەولەتی ژ لایێ وەلاتێن جیران ڤە لسەر شنگالێ دھێتە کرن کو فڕۆکێن تورکیا چیایێ شنگالێ بوردومان دکەت، و ھەر وسا ھەتا نھۆ دەڤەرە شنگالێ ب ئێکجاری ژ مینا نەھاتیە پاقژکرن و ئەڤە بەری چەندەکێ یە چەند گەنجێن شنگالێ بوون قوربانیێن مینا ژ ئەگەرێ نە غەم خۆریا حکومەتا عیراقێ و حكومەتا ھەرێما کوردستانێ و ھەر وەسا رێکخراوێن نیڤ دەولەتی ژی، ئەرێ لایەنەک ھەیە کۆ گەرەنتیێ بۆ خەلکێ شنگالێ دروست بکەت كو دووبارە کارەسات ناھێتە سەرێ وان ھەر وەکو یا دیار جیرانێن کارەسات ئینایە سەرێ خەلکێ شنگالێ دووبارە ڤەگەریان دەڤەرە شنگالێ و ب رەزامەندیا حکومەتا عیراقێ.

سەرەرای ھەبوونا ناکوکی و ھەڤرکیێن دناڤبەرا لایەنێن سیاسی و دەرەکی دناڤ شنگالێ دا، و ژ لایەکێ دیڤە ھەر وەکو یا دیار پڕانیا خەلکێ شنگالێ ژیانا خۆ بکارێ رۆژانە دەرباس دکەن سەرەرای ھندێ کو دزانن چ کارێن وەسا ل شنگالێ نینن داکو ژیانا خۆ پێ دەرباس بکەن، ئەرێ ئەگەر چیە شنگال ژ ھەمی خزمەت گۆزاریان یا بێ بەھرە، ئەرێ دێ خەلکێ شنگالێ دێ ھێتە قەرەبوکرن ئەگەر ڤەگەریانە سەر جھ و وارێن خۆ، ھەر وەکو یا دیارە کو پڕانیا مالێن خەلکێ شنگالێ ھاتنە پەقاندن ژ لایێ داعش ڤە، ئەرێ ب ڤەگەریانە خەلکێ شنگالێ دێ شنگال ھێتە ئاڤەدانکرن یان دێ ھەر خەلکێ شنگالێ د وارێ خۆ دا ژی ل بن خیڤەتاندا مینت، ئەرێ ئەگەر چییە کو حکومەتا عیراقێ ل چ بواران دا ھاریکاریا خەلکێ شنگالێ نەکەت، مە عیراق شنگالێ نابینێت پارچەک ژ ئاخا خۆ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close