كوردستاننووچە

درێژبوونا وەختێ ئاوارەیێ، باندۆرا وێ لسەر ئێزیدیان چیە؟

ئێزیدی 24 – لێکۆلین

جڤاکا ئێزیدی جڤاکەکە رەڤیای یە ژ ململانی و شەر و پێکدادانە، و باندۆرەکا خوەیا لسەر جڤاکێ کر، ب ڤێ یەکێ نەخوەشیێت ئاوارەیێ زێدەبوون ژ کارتێکرنا نەرێنیا کۆمکوژیێ و وێ ژی باندۆرا خوە لسەر جڤاکا ئاوارە دا هێلا، ڤێجا ئەڤ باندۆر چنە و باندۆرا وێ چەندە؟

مامۆستایێ زانینگەهێ “د. سعید خودێدا” ل گۆتنا خوە دە ژ “ئێزیدی 24″ رە گۆت، ” ئاوارەی بتنێ باندۆرێ لسەر تاکێ جڤاکا ئاوارە دکە ل گەلەک ئاوایان دە، ژ وان ژی کۆمەلایەتی، ئابووری و فێربوون، ڤێجا وەختێ ئاوارە چ ژ دەست بدە زەحمەتێ دکە کە تێکەلی وێ جڤاکێ ببە ئا ئاوارەی وێ بووی”.

هەروەها دا زانین، ” ژ باندۆرێت دیتر، زێدەبوونا بێکاریێ و گوهۆرینا دیموگرافیێ، ب تایبەت دەڤەرا شنگالێ ژبەر کە ژمێژڤە ناکۆکی لسەرە، لۆما دبە کە هنەک جهـ ڤێ ئاوارەیێ ژ خوە رە ب دەرفەت ببینن دا دیموگرافیێ بگوهەرن”.

ل بەردەوامیا دیدارا خوە دە “د. سعید خودێدا” گۆت، هەروەها ژ ئالیێ فێربوونێ ڤە، باندۆرەکا مەزن لسەر جڤاکێ هەیە و دبە کە ببە ئەگەر جۆرەک ژ پاشڤەمانێ، ژبەر کە گەلەک جاران ئێزیدی راستی کۆمکوژیا بووینە و رەوشا ب ئاوایێ رەوشا نوهە، و ئەڤ یەک ژی بووە ئەگەرێ کەساتیێت خوەدی باوەرنامێت بلند ل جڤاکێدە “.

و چالاکڤانێ مەدەنی “ئیبراهیم تەمری” دبینە, “کە درێژبوونا ئاوارەیێ هژمارەکا باندۆرا هەیە ژ وان ژی ژێکڤەبوونا خێزانی ژ ئالیێ کۆمەلایەتی ڤە و زێدەبوونا حالەتێت ژن بەردانێ و هێرشێت خێزانی ل جڤاکا ئاوارە دە”.

و زێدەکر، “ژ گرنگترین باندۆرێت نەرێنی یێت دبە
کە رووبدەن پشتی ڤی وەختێ درێژ ژ ئاوارەیێ ئەو کێمبوونا گرێدانێ یە ل نێڤا ئەردێ مەیی بنیاتی و نێڤا مەیە وەک ئاوارە، و رەئیا من ئەوە هەکە رەوش ڤەگەریا سروشتێ خوە ژی رێژەکا مەزن ژ ئاوارا وێ لڤر مینن و ڤەناگەریانە ئەردێ خوە”.

و ژئالیێ دەروونی ڤە “د. سالم شنگالی” کە نۆژدارەکی پسپۆرە ب دەروونی و عەقلی ڤە ژ “ئێزیدی 24″ رە گۆت، ” درێژبوونا وەختێ ئاوارەیێ دەلالەتە لسەر نەبوونا جێگریێ، و ئەڤ دبە ئەگەرێ دل تەنگیێ لبا ئاوارا، و ب پاشەرۆژا خوە و زارۆیێت خوە دفکرن”.

هەروەها گۆت، “کە بەردەوامیا حالێ نهوە وێ حالەتێت خەمۆکیێ و دل تەنگیێ تایبەت لبا زارۆکا زێدەکە و دبە کە ببە ئەگەرێ تێکچوونا ئەخلاقێ وان و باندۆرێ لسەر بکە و دبە ئەگەرێ هنەک ئاریشێت دیتر وەکە نە جێگریا نڤستنا وان و میزتنا نە ب دەستێ وان”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close