نووچە
وەزارەتا پەروەردا هەرێمێ چارەنڤیسێ سالا خواندنا ئیسال دیارکر
ئێزیدی 24 – هەولێر
وەزیرێ پەروەردا حکومەتا هەرێما کوردستانێ پشتی راپۆرتا تالی یا ساخلەمیێ ژ وەزارەتا ساخلەمیێ گەهشتیێ هژمارەکا بریارێت نوو لدۆر سالا خواندنا ئیسال راگەهاند.
لگۆری راگەهاندنا “ئالان حەمە سەعید” وەزیرێ پەروەردا هەرێمێ، ژ قۆناغا یەکێ سەرەتای هەتا 3ی بنەرەتی، بتنێ هەلسەنگاندن هەیە و تاقیکرنان ناکن و وێ ب دەرچوو ل خواندنا ئیسال دا ئێنە هژمارکرن.
هەروەها خوەیاکر، خوەندەکارێت چارێ بنەرەت هەتا 11ی ئامادەیی ئەنجامێ وەرزێ یەکەم وێ ژێ رە ئێنە هژمارکرن.
و ل دۆر خوەندنکارێت ل هنەک بابەتا دەرنەچوویین گۆت، هەر خوەندنکارەکی ل هنەک بابەتا دەرنەچووبێ ماف هەیا ئەزموونێت خۆلا دووێ بکە.
لدۆر پۆلا 12ێ ژی ئاشکەرا کر، خوەندەکارێت قۆناغا دوانزدێ ب هەموو بەشێت خوەڤە وێ ئەزموونا کن ئەوژی ب بەرچاڤکرنا رێنمایێت ساخلهمیێ.