راپورت

ل بەردەوامیا پشتەڤانیکرنا ڤەگەرێ دە، چەند پرۆژە ل گوندێ وەردیێ هاتنە چێکرن

ئێزیدی 24 – تایبەت

 

گوندێ وەردیێ یەکە ژ وان گوندێت کە دکەڤیە باشووری چیایێ شنگالێ و سەر ب ناحیا “تل عزێر” ڤەیە، بەری فەرمانا 3ـی تەباخا سالا 2014ـێ بسەر ئێزیدیا دە هاتی گەلەک مال لڤی گوندی د ئاکنجی بوون و پشتی خەلاسکرنا ڤی گوندی ژ دەستێ داعش هنەک مال ڤەگەریان و وان چەند پرسگرێک هەبوون لێ ئەوژی هاتنە چارەکرن.

لدۆر رەوشا گوندێ وەردیێ ب گشتی موختارێ گوندێ وەردیێ “خوەدێدا حسێن بشار” بتایبەتی ژ “ئێزیدی 24” دا خوەیاکرن،“ئەز وەکە موختارێ ڤی گوندی و مالا من خێزانا بەری بوو کە ڤەگەریا گوندێ خوە و د تال من ڤە ژی رۆژ ب رۆژ ژمارەکا مالێت دی ڤەگەریانە گوند و پشتی هنگێ رێکخراوا بەرێ خوە دا گوند ژبەر پرسگرێکێن مەیێت هەین وەکە خواندنگەها و ئاڤێ و کارەبێ”.

ژ ئالیێ پەروەردەیی ڤە گۆت،“ئەڤ بەری سالەکێ خوەندنگەها گوند یا بەرێ ژ ئالیێ رێکخراوا ڤە هاتە نووژەنکرن و مامۆستا ژی ل ڤێ خوەندنگەهێ هەینە و خوەندنکار خواندنا خوە وەکە بەرێ دبنە سەرا”.

ل دۆر خزمەتێت دی گۆت،“ب هاریکاریا رێکخراوا نەك چ حکوومەتا هێلا کەهرەبێ یا هەموو دەڤەرێ هاتە چێکرن و ل 24 دەمژمێرا دە بتر ژ 15 دەمژمێرا کەهرەب هەیە و مە چ پرسگرێکێن کارەبێ نەماینە”.

زەلال ژی کر،“ئەڤ بتر ژ پێنچ هەیڤان یە ژ ئالیێ رێکخراوا WHHڤە بیرەکە ئاڤێ هاتە کۆلان و ئیرۆ رۆژا بەری بوو کە ئەڤ بیرا ئاڤێ هاتە بکار ئانین و ئەڤ ژی پێگاڤەکە باش بوو، ئەم داخوازێ ژ رێکخراوا و حکوومەتێ دکن ئەڤ بیر ژ خەلکێ گوند رە ببیە تۆرەکا ئاڤێ دا خەلکێ گوند کاربێ ب ساناهیتر ئاڤێ ژ خوەرە بگرێ”.

هەروسا گۆت،“ بتری سەد مالی ل ڤی گوندی هاتنە تەقاندن و بێ سەروبەر بوون و بکێری ژیانێ نایێن وهەتا ئەو نەینە ئاڤاکرن خوادنێت وان نکارن ڤەگەرین”.

ل تالیێ ژی گۆت،“ئەم داخوازێ ژ هەر ئالیەکی دکەن بتر حکوومەت و رێکخراو بەرێ خوە بدنە گوندێ مە و هاریکاریا خەلکێ بکن و ئەم سوپاسیا هەر ئالیەکی و رێکخراوەکێ دکەن هەکە خوە ل گوندێ مە کرنە خوەدان دا جارەکا دی ژیان لڤی گوندی ڤەگەریێ”.

هەتا نوهە 126 مال ڤەگەریاینە گوندێ وەردیێ و تێیە چاڤەرێکرن کە پشتی راکرنا قەدەغەیا هاتن و چوونێ ژمارەیەکە دی ژی ڤەگەرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close