راپورتنووچە

نەخوەشیێت کۆچبەریێ ل دوو ئێزیدیا دگەرن ل لوبنانێ، کۆمەکە ئێزیدیێت سوریا داخوازا هاریکاریێ دکن

ئێزیدی 24 – ذياب غانم

پشتی تەپەسەرکرنا وان ل سوریا، ژ ور ڕەڤین دا جیەکی ئامن ببینن دا لێ بمینن لێ نەبوونا هاریکاریا ژ با رێکخراوێت نێڤ دەولەتی رەوشا وان ب زەحمەت ئێخستیە.

کۆمەکە ژ ئێزدیێت سوریا کە ژ عەفرینێ کۆچبەر بووینە لوبنان و ل بەیروتێ دمینن کە ژمارا وان نیزیکی 250 خێزانی نە ل رەوشەکە خەراب دە ژیان دکن.

“مەنان جەعفەر قەرەندەل” خۆرتەکێ ئێزیدی یە ژگوندێ عشقیبارێ کۆچبەری لوبنانێ بوویە ژ “ئێزیدی 24” رە پەیفت،“ئەم کۆمەکە ئێزیدیێت سوریانە کۆچبەری لوبنانێ بووینە و ژبەر کێمیا هاریکاریا دنالن و دەلیڤێت کاری ژی نینن”.

هەروسا گۆت،“بارێ مە یێ ژیانێ گەلەکێ ب زەحمەتە ژبەر ڤێکێ ئەم داخوازێ ژ هەر یەکی کە خوە ببینێ ل جێ بەرپرسایەتیێ کە هاریکاریا مە بکن”.

و“سوعاد سلێمان عیسۆ” ژی ژ “ئێزیدی 24” رە پەیفت و گۆت،“هیشکە ئەم گەهشتینە ڤر چ هاریکاری نەگەهشتینە ژ بلی چەند کارتۆنێت ماددێت خوارنێ و وان ژی حاجەتا مە نەگرت و رەوشا مە یا خەرابە”.

زەلال کر ژی،“ئەم دەنگێ خوە دگەهیننە رێکخراوێت نێڤ دەولەتی و نەتەوەیێت یەکگرتی دا هاریکاریا مە بکن، ئەم نکارن ڤەگەرن سوریا ژبەر ترسا کوشتنێ ل سەر مە هەیە و ئەم نکارن سنوورا ژی ببەزن”.

“شێخ جومعە” ژی ژ “ئێزیدی 24” رە پەیفت و خوەیاکر،“بارودۆخێت مە ب زەحمەتن ل ڤر و ئەم نکارن کاربکن وەکە خەلکێ دی ژبەر حکومەت ناهێلێ ئەم کاربکن و ئەم هەموو ل مالێت ب کری دەینە”.

گۆت ژی،“ڤەگەرا سوریا مەحالە ژ بەر ئەم تەپەسەر دبن ل ور و ئەم نکارن چنە دەولەتێت دیتر و هاریکاری ژی ناگەهنە مە”.

و ل تالیێ گۆت،“ئەم داخوازێ ژ ئێزیدیا ل جیهانێ هەمووێ دکم و هەموو خێرخوازا و رێکخراوێت مرۆڤایەتی کە ب مە ڤە بێن و مە ژ ڤێ رەوشێ خەلاس کن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close