گۆتار

رەوشا ئاوارا دناڤ کەمپاندا!!

نەوزاد عچۆ

رەوشا ئاوارا دناڤ کەمپاندا هیژ وەکە بەرێ یە وگەلەگ ب زەحمەتە، ل وەرزێ زڤستانێ دەمێ بەفر وباران دباریت رەوشا ئاوارا گەلەگ خراب دبیت و گەلەگ جارا د وەرزێ زڤستانێدا ئاڤ دچوو ناڤ گەلەگ خيڤەتاندا، و دگەهشتا وی ڕادەیی كو ئاوارەيێن ل كەمپاندا نەچاردبوون ژبەر باران وسەرمایا زڤستانێ خيڤەتێن خوە بجه بھێلن و قەستا مالێن دۆست و ناسێ خوە بكەن چ دناڤ کاڤلاندا و چ دناڤ مالێن ب كرێ دا، دیسان نەبوونا کەل وپەل وئامیرێن خوە گەرمکرنێ ل وەرزێ زڤستانێ و كيم دابەشكرنا گازێ بسەر ئاوارەن دا، دیسان ل وەرزێ هاڤینێ ژی نەبوونا کارەبێ وئامیرێن خوە هینکرنێ، دەمژمێرێن پێدانا کارەبا نیشتیمانی ل وەرزێ هاڤینێ دهێنە کێمکرن، سەرەرای ھەبوونا کارەبا موەلیدەیا دناڤ کەمپاندا، لێ ژبەر بارێ داریێ ئاوارا یێ خراب پرانيا ئاواران نەشێن کارەبا موەلیدێ بینن، ژ بەر کێمیا دەمژمێرێن کارەبا نیشتيمانی، كارەبا موەليدا ژی گەلەگ گران دبێت، ژلايەكى دی ڤە بەردەوام مەترسیا سووتاندنا خیڤەتان هەیە ژ ئەگەرێن شورتێن کارەبێ، ئەڤ تشتە دبنە ئەگەر كو ژيانا ئاواران گەلەگ ب خرابی دەرباز ببیت، ئەڤ دەمێ كۆ نهۆ ئاوارە دەرباس دكەن زحمەترە ژ ھەمی دەمێن بۆری چونكی نە كارێ روژانە هەيە كو پێدڤيێن خۆ و مالا خو دابين بكەن وەكو يا ديار پرانيا ئاوارا ژیانە خو ب کارێ رۆژانە دەرباس دكەن نهۆ کارێ روژانە ژی نینە، و مووچە ژی نەیێ دروستە كو ئەوژی بوويە ئەگەر ژيانا پرانيا ئاواران ب زحمەتر ببیت، پرانيا ئاوارەيێن شنگالێ گەلەگ بزحمەت نانى بو مالا خو پەیدا دكەن، سەرەرای هەبوونا نەخۆشیا ڤایرۆسێ کۆرۆنا یا ناسیار ب کۆڤید 19 كۆ دەروونێ ئاواران گەلەگ تێکدایە، هەمی جيهان دزانت كا مەترسيا کۆڤید 19 چەندە مەزنە و ل ڤێ دوماهيێ دووبارە کۆڤید 19 ل عیراقى ب شێوەکێ مەترسیدار بەلاڤ دبيت و هەروسا ل هەرێمێ ژی، رۆژ ب رۆژ مەترسيا کۆڤید 19 لسەر كەمپان زێدە دبیت، و هەر وسا دناڤ كەمپێن ئاواران دا خزمەت گۆزاری ژی ژ چ لايانڤە نە ل ئاستێ پێدڤی دانە و ب تايبەتی ل كەرتێ سەخلەميێ، و ژ لایێ رێکخراوێن نیڤ دەولەتی ژی وەکو ئاستێ پێدڤی هاریکارییا ئاوارە ناهێتە کرن، ئەم دشێن بێژن ماینها ئاوارا دڤێ رەوشێدا کارتێکرنەکە مەزن ل سەر دەروونێ وان کریە، و ماینا وان دڤێ رەوشێدا رۆژ ب رۆژ وبارودۆخێ وان خرابتر لی دکەت، ل ڤێ دوماهيێ ژيان ل بەر ئاواران بوويە زيندان و قورتال بون ژ ڤێ زيندانێ تنێ ئەوە كو ئاواران ڤەگەرينن بۆ سەر جھــ و واريێن وان.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close