گۆتار

ئێزیدی و نە یەکبوون، چیرۆکەکا بێ تالی

لەیت حسێن گرعزێری

هەر گەل و مللەتەک ب یەکبوون و یەک هەلویستیێ پێشڤە دچن و دگەهنە ئارمانج و هیڤیێت خوە دمەزن ئەوێت کە ب دەهان یان ژی ب سەدان سالان کەد و خەبات ژێ رە کرین و گاڤ ب گاڤ دبنە ئالیێت بەرپرس و دەستهەلاتێ بدەست خوەڤە دئینن.

وەختێ بەحسا یەکبوون و تفاقێ دئێتە کرن ب ئاوایەکی راستەراست ئیزیدی و نە یەکبوونا وان ل بیرا مە دئێن ژبەر کە ئەڤ ب دەهان سالایە، ژبەر ڤێ نە یەکبوونێ ئێزیدی هەر تم راستی قوربانی و تەڤکوژیا بووینە.

هەر چەندە ل قەول و بەیتێت ئۆلا ئێزیدیان بخوە ژی دە بەحسا یەکبوون و تفاقێ هاتیە کرن و تەکەزی ل گرنگی و هەبوونا تفاقێ ل نێڤ مللەتێ ئێزیدی هاتیە کرن و نهوە ژی زلامێت ئۆلی یێت ئێزیدیان شیرەت و وەسیەتێت یەکبوونێ و یەکرێزیێ ل مللەتی تێنە کرن، لێ بسەر ڤێ یەکێ هەمووێ دە ژی هەر تم نە یەکبوون و یەکگرتنا ئێزیدیان بوویە ئەگەرا پشتگوهـ ئێخستنا ئێزیدیان و بێ پابوونا وان ژ مافێ وان یێ رەوا، ئەنجامێ ڤێ یەکێ ژی ئێش و ئازار هەر تم پایا ئێزیدیاینە.

ل هەرێما کوردستانێ و دەولەتا عیراقا فیدرال ژی کە ئێزیدی وەک یەک ژ کەڤنترین و رەسەنترین پێکهاتە بوویە ل ڤی وەلاتی، لێ هەتا نهوە ژی نە لسەر ئاستێ هەرێمێ و نەژی یێ عیراقێ مافێ ئێزیدیان وەک پێدڤی پێ نەهاتیە دان ڤێجا چ بارێ سیاسی و ئیداری بە و چ ژی ل بارێ ژیانا ئاسایی ئا وەلاتیان ژبەر براستی ژی وەک دئێتە زانین هەر تم سەرەدەری وەک وەلاتیێ ژمارە سێ و چار ب ئێزیدیان رە دئێتە کرن.

هەر وەک دئێتە گۆتن” هەکە هوون نەبن یەک، هوونێ هەرن یەک ب یەک” لۆما و سەرەڕای کە خەونە و ب زەحمەت ببە راست، لێ ئەڤ کار و کریار و پشتگۆهاڤێتنا ئێزیدیان دڤێت ببە وانەک ژێ رە کە ئێدی یەک بگرن و یەک هەلویستبن دا مافێ وان وەک پێکهاتەکی کەڤن و رەسەن ل ڤی وەلاتی پێ بێتە دان و ئەو ژی ببنە خوەدان دەستهەلات و پۆستێت بلند ل سەر ئاستێ هەردوو حکومەتێت هەرێما کوردستانێ و عیراقا فیدرال.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close