راپورتنووچە

ژبەر نە تەمامکرنا سالا خوەندنێ، خوەندنکارێت ئاوارە دخوازن کریا خوەندنێ بێیە کێم کرن

ئێزیدی 24 – ئیبراهیم ملحم

پشتی بەلابوونا ڤایرۆسی کۆرۆنا و قەدەغەیا ھاتن و چوونێ و راوەستاندنا کاری ل ھەرێما کوردستانێ خەلکی بەلەنگاز ژیانا وان ب زەحمەت کەتیە ، و تەعدە ل ژیانا خوەندنکارا کریە و ب تایبەتی ئەوێت ژ مالێت کێم درامەت و چ داھاتێ وان نەیی ژ بلی کارێ رۆژانە.

“مسکین مەحلۆ” کەچەکە ئێزیدی یە ئاوارەیە و خوەندنکارە ل پەیمانگەھا دھۆک یا تەکنیکی و یا خاندنا پارەلێلە ژ “ئیزیدی 24” رە گۆت ،“ئەم کۆمەک ژ خوەندنکارێت ئاوارەیێت ئێزیدی ژ بەر بارێ ئابووری و ژیانی د نالینن د کەمپان دا ،خواندن ل زانکو و پەیمانگەھان راوەستیا و ھیژ ئەم تێنە داخۆازکرن ب دانا قەستێن ساڵا خاندنێ داکو ئەنجام و نمرەیێن مە بدەنە مە”.

وھەروەسا گۆت ،“خاندنا مە ب شێوازێ کۆرسا بوو ، و ھەر کۆرسەک ژ پانزدە هەفتیان پێک دھات ، مە کۆرسێ ئێکێ خلاس کر و مە دراڤێ وی کۆرسی دا ، بەلێ کۆرسێ دووێ ب تنێ مە ٦ حەفتی دەوام کرن ژ پانزدە هەفتیا و نوهە ئەو ژمە دخوازن ئەم دراڤێ کۆرسێ دووێ ھەمووێ بدن”.

و ھەروەسا “مەھدی خەلەف” کە خوەندنکارەکی پەیمانگەھا دھۆک یا تەکنیکیە ژ “ئیزدی 24” رە گۆت،“پشتی ھاتنا ڤایرۆسێ کۆرۆنا یێ کوژەک و گرتنا دەرگەھێن بنگەھێن حکومی و خوەندنگەها و زانینگەها ، ئەم دوورکەتن ژ خوەندنێ ،و داخوازێ ژ مە دکن کە ئەم قەستا کۆرسێ ددوێ ب تەمامی بدن، و ژ مە نایێ ئەم بدن ، ژبەر کە بارێ دارایێ ئەم تێرا دەرباس دبن گەلەکێ ب زەحمەتە ل کەمپان دا و ب تایبەتی ژ ئەگەرێ کۆرۆنا و کار راوەستایە و مە چ موچەیێن ھەیڤانە یان داھات ژ با حکومەتێ یان دەلیڤێن کاری نینن کۆ ئەم ڤێ دراڤی بدن”.

دیسانێ گۆت،“ڤێجا ئەم داخوازێ ژ حکومەتا ھەرێما کوردستانێ و وزارەتا خوەندنا بلند و جھێن بەرپرس و سەرۆکاتیێن زانینگەها دکن کە کریێن خاندنێ یێن ئەڤێ سالێ ژ مە رە کێم بکن”.

رێڤەبەرێ ڕاگەھاندنا زانکۆیا دھۆک یا تەکنیکی “سەرکەفت رەشید” ژ “ئێزدی 24” رە گۆت ،“مە ل بەر نینە ئەم بریارەکێ بدن ژبەر قەستێن کریا خاندنا سالانە ، و ئەم ھەردیم ب خوەندنکارا رەینە ل حالەتێت نەخوەش دا ، و ئەم ل ھیڤیا بریارەکێ نە ژ وزارەتا خوەندنا بلند وئەوژی ھەردیم ل بەرژەوەندیا خوەندنکارا دە کار دکن و ئەو دێ حالێ وان یێ ئابووری و دەروونی ل بەرچاڤ وەرگرن ل ڤێ تەنگیێ دە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close