راپورتكوردستان

(ئیبراهیم خەلەف عەمۆ)، چێرۆکەکە ژ جینۆسایدا ئێزیدیا

ژ دەستپێکا ھاتنا داعش بۆ عراقێ و ھەتا نوھە ئێزیدی دبنە قوربانی ب مال و روهێت خوە

ئیزیدی 24 – ئیبراهیم ملحم

چیرۆکەکە دیتر ژ چیرۆکێت خێزانێن کە بووینە قوربانیێت کومکوژیا ئێزیدیا، شەش ساڵ بۆرین و ھەتا نوھە کومکوژی ل سەر وانە بەردەوامە، چیرۆکەکا ب زەحمەت ژ چیرۆکێت ل 3ی تەباخا 2014ێ کە ل گوندێ تل قەسەبێ کەڤن سەر ب قەزا شنگال ڤە ل پارێزگەها نەینەوا چێبووی .

“عومەر خەلەف عەمۆ” یەک ژ ئاوارەیێت شنگالێ یە، ل کەمپا قادیا ژیان دکە ، دەربارەی ڕەڤاندنا خێزانا برایێ خوە “ئیبراھیم خەلەف عەمۆ” ژ “ئێزیدی 24” رە پەیفت و گۆت،“بەری ئەم بڕەڤن، ل شنگال ژیانا مە گەلەک یا ب سادەیی بوو، ئەم ب خەلکێ خوە رە دژیان و ئەم د کێف خوەش بوون ب ژیانا خوە، و زاروێت مە د چوونا خوەندنگەھا دا خەۆنێت خوە بکنە راستی”.

هەروەها گۆت،“بەلێ ل 3ی تەباخا 2014 ئەو خەون بوونە ئەورەکی رەش و تاری ل ئەسمانێ ژیانا مەدە ، و ھەر ل وێ رۆژا داعش دەرباسی شنگال بووی و ھێرش کریە سەر مە ، ئەم ژ مالێن خوە ڕەڤیان و بەرب چایێ شنگال چوون، ل دەستپێکا ھەکە رێ د گەھشتە چایێ گەلەک خێزانێن ئێزیدی ل ور ھەبوون ، ل وێ دەرێ ھنەک چەکدارێت داعشێ گەھشتنە مە، و وان داخواز ژ مە کر کە ئەم ڤەگەرینە ماڵێت خوە ، بەلێ ئەز دگەل خێزانا خوە ئەم ڤەنەگەریان و ئەم چوونە چا،و خێزانا برایێ من ڤەگەریا گوند، داعش چووە با وان و گۆتە وان چ تشت ل سەر وە نینە و کەس زیانێ نا گەھینیە وە، و وان ژ وان باوەر کر و ب وێ باوەریێ خێزانا برایێ من ل گەل چەند خێزانێت دی ل گوند مان ، و پشتی ھنگێ ئەو برنە باژارێ شنگال، ئەو و چەند خێزانێن دی گوھاستنە فەرمانگەها نفووسا شنگال و ئەو سێ رۆژا ل ور مان بێ ئاڤ و خوارن ، و پشتی هنگێ ئەو ڤەگوھاستنە باژارێ ” تلەعفەر ” و زۆری ل وان ھاتە کرن کە ئەو دین و قەومیەت و زمانێ خوە بگوهەرن ، و ئەو گەلەکێ ھاتنە ئەشکەنجەدان و گەلەک زلم ل وان ھاتە کرن”.

زەلال کر ژی،“خێزانا برایێ من پێک ھاتبوو ژ داک و باب و کەچەکێ و سێ کورا، ئەو ھەموو ژ یەک و دۆ ھاتنە ڤەقەتاندن و ھاتنە گوھاستن بۆ گەلەک جیا وەکە باژارێ مووسڵ و ولاتێن سوریا و تورکیا. و ئەو گەلەک جارا ھاتنە کرین و فرۆتن ب بەھایێت کێم و بێ قیمەت ،پشتی مانا وان ل دەستێت داعش دا ژ دوو ساڵا ھەتا سێ ساڵا ، سێ زاڕۆک ژ وان ھاتنە خەلاسکرن کرن ژبا من ڤە و ب بەھایەکی گران، و داک و بابێت وان و زاروەکی دسالی و ھیژ ئەم تشتەکی ژی نزانن”.

بەری هاتنا داعش بۆ “شنگال”،“ئیبراهیم” خزمەتکار بوو ل بنگەهێ ساخلەمی ل کۆمەلگەها “تل قەسەب”، و ل گۆر کارێ خوە حەلمی بووە چەند کارێت پەرستاریێ و ل سەر زمانێێ هنەک خەلاسبوویێت ژ دەستێ “داعش”، وی “هاریکاریا ئێزیدیا دکر و چارەسەری ددا وان وەک زانینا خوە ب سەر کە یێ لال ژی بوو”.

پشتی خەلاسبوونا وان نوهە ئەڤ زارۆ ب مامێ خوە رە د ژین و ھەتا نوھا چ تشت ژ وان رە نە ھاتیە کرن ، ئەو داخوازێ ژ جیێت پەیوەندی دار دکن وحکومەتا عراقێ و حکومەتا کوردستانێ و نەتەوێن یەکگرتی و رێکخراوێت نێڤ دەولەتی کە ھاریکاریا وان بکن و وان ڤەگوھیزنە دەرڤەی وەلاتی دا چارەسەریا وان بێیە کرن ژ ئالیێ تەندرۆستی و دەروونی ڤە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close