راپورتنووچە

دوو کتێبێت گرێدای پێناسەیا ئێزیدیا و گۆتنێت مەزنێت وان وێ ل نێزیک ئێنە بەلاکرن

ئێزیدی 24 ــ لەیت حسێن

ل هەیاما دوو رۆژێت بێ دە دوو کتێبێت گرێدای ئێزیدیا ژئالیێ پێناسەی و گۆتنێت مەزنێت وان ڤە وێ ئێنە چاپکرن و کەڤنە بەردەستێ خوەندەڤانا.

“کۆڤان خانکی” نڤیسەرێ ڤان کتێبا ژ “ئێزیدی 24” رە خوەیاکر،“ ئەڤ هەردۆ کتێبێت مە یێت نوو ل بن چاپکرنێ دەینە یا یەکێ فەرهەنگا (دار هنارا شێشمس – فەرهەنگەکا پێناسەیى یا ئێزدیایە). ژ (223) پەڵا پێکهاتى یە و پتر ژ (2000) پەیڤ و ناڤ و تێگەها هاتنە پێناسەکرن.

پتر ژی گۆت،“ناڤونیشانێ ڤێ کتێبێ ژ وێ یەکێ هاتینە کە دار هنارا شێشمس ل پەرستگەها پیرۆزا لالش هەبوو لێ هشک بوو و نەما، لۆما براستی داخوازێ ژ هەموو نڤیسەر و رەوشەنبیرێت مە دکم کە هەر تشتەکی مە هەبە ژ فلکلۆر و کەلتور و سترانبێژ و هەر تشتی هەبە ساخ بکن برێیا بەرهەمێت خوە”.

هەروەها زەلال کر،“کتێبا دووێ ژی: پەند و گۆتنێن مەزنا (یێن ئێزدیا)، هەزار و یەک پەند و گۆتنێت مەزنا یێت ئێزیدیاینە و پتریا وان ئەڤ جارا یەکێ یە تێنە بەلاکرن و ژ (58) پەڵا پێکهاتى یە.

دا زانین ژی،“ئەڤ هەردوو کتێب وێ ل پەرتووکخانا گازی ل دهۆکێ ئێنە چاپکرن و پشتی دوو رۆژان وێ هەر ل وێ پەرتووکخانێ ژ خوەندەڤانا رە ل بەر دەست بن.

نڤیسەرێ ڤان پەرتووکان ئاشکەرا کر، ژبەر خوەپاراستنێ ژ ڤایرۆسێ کۆرۆنا و چێنەکرنا قەرەبالەغێ و ل هەڤ کۆمبوونا مە بریار دا بێ چێکرنا رێ و رەسمێت ئیمزاکرنێ ئەم بەلاکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close