گۆتار

ئێزیدی پەڕەکی سڤکن یان کەڤرەکی گرانن؟

ئەمین شەمۆ

ئەم بەحسێ ئێزیدیان بدرێژاهیا دیرۆکێ ناکەین،تنێ ئەمێ بەحسێ بارودۆخێ ئێزیدیا کەین یێ نهۆ تێدا دەربازدبن و هەلسەنگین،ئەگەر ئەم بەرێ خۆ بدەینێ بەرپرسێن ئێزیدیا پشتی سالا 2003ێ لهەمی بوارێن ژیانێدا ئەگەر بسەرکەڤتن نەئینابن 10%ژیانا ئێزیدیان پێشڤەنەبرینە،بدرێژاهیا ڤان 17 سالێن دەربازبووی بەرپرسێن ئێزدیان تەنێ ئێک دەستکەڤت ژی بدەستڤە نەئیناینە ژبۆی جڤاکا ئێزدی ئەگەر ئەم پێداچونەکا هوور و کوور لبارودۆخێ ئێزیدیان دە بکەین لهەموو بواراندا.

ژبەرکو ڤان جۆرە بەرپرسان نەهەلویست و جرئەت و کردار نەبووینە بەرامبەر هەر رودانەکێ،لەوما ڤان کەساتیا چ قەدر و قیمەت و کەرامەتا خۆ نینن،ژبەر ڤێ چەندێ سەرکردێن عیراقێ و کوردستانێ خالێن لاواز (نقطة الضعف) وان دزانن ولژێر کۆنترۆلا وان داینە،لەوما ئەڤ جۆرێن بەرپرسان پاریەکێ بساناهینە و هەردەما عیراقێ و کوردستانێ بڤێت دێ هێنە خوارن و کەسێن زەرەرمەند و زیان ڤێکەڤتی هەر جڤاکا ئێزیدی یە.

سەروەرێن ئێزیدیا ئێزیدی و ئێزدیاتی ژ قۆناغەکە خۆ راگرتنێ بەرامبەر مەزنترین ئیمپراتۆریەتا رۆژهەلاتا ناڤێن ئەوژی ئیمپراتۆریەتا ئۆسمانی بوو گەهاندن قۆناغەکێ کو لبەرامبەر حزبەکێ یان لایەنەکی یان گروپەکی سیاسی دبێ هەلویست بن،ژڤێ رێڤەبرنا شاش و خراب لەوما نهۆ جڤاکا ئێزدی ژئالیێ(سیاسی ـ جڤاکی ـ ئاینی ـ ئابووری ـ لەشکەری)دناڤکۆکن و بدەهان گروپ و لایەن و رێکخراو و کۆمەلە و مالن و ئێکو دوو قەبوولکرن ژی گەلەک جاران دناڤدا نینە،مللەتەکە کو سۆزداینە ئێک و دوو چ جاران رێکنەکەڤن تنێ لسەر قوربانیێ ئەوژی لدەستێ دوژمن دایە.

بەرپرسێن مللەتان ئەگەر نەشێن هەموو دەستکەڤتان ژبۆی مللەتێ خۆبدەستڤە بینن قۆناغ ب قۆناغ بزاڤا بدەستڤەئینانا دەستکەڤتان دکەن،بەرپرسێن ئێزیدیان یێن پشتی سالا 2003ێ هاتین چ پلان ژبۆی ئایندەیا مللەتێ خۆ نینن و نەد دور بینن ل سیاسەتێدا تنێ مەرەما هندەکا بەرژەوەندیێ وان یێت تایبەتن.

مللەتەکی نهۆ نێزیکی1ملیۆنی بت و لجیهانێ هەموویێ دبەربەلاڤبن و تووشی بسەدان فەرمان و جینۆسایدا بوبت هێژ سەروەرێن وی سەربۆر ژمێژوویێ وەرنەگرتبن و بکێرنەهاتی بن مافێ وان سەروەران تەلاق دانە،قۆناغا نهۆ ئێزیدی تێدا دبۆرن قۆناغەکە سەخت و دژوارە بگرە ئەگەر بێتە بەراوردکرن دگەل فەرمانەکا ئێزیدیا لسەدێ نۆزدێدا ئەڤ قۆناغ سەخت و دژوارترە چونکە ژلایێ دبلۆماسی و لەشکەری و ئابووری و ئێکگرتنێڤە ئێزیدی دکۆمی سفرێنە.

قۆناغا پشتی سالا 2014ێ قۆناغا دوماهیێ یە ئێزدی تێدا دەربازدبن،بشێوەیەکی کورت ئێزیدی نهۆ بڤی ئاواینە ((ژلایێ جڤاکیڤە جڤاکەک پەرت و بەلاڤە و بدەهان گروپ و لایەن و رێکخراو و کۆمەلە و مالن و هەماهەنگی دناڤبەرا واندە گەلەکا کێمە،مللەتەک سێ پشک ژێ د دەربەدەر و ئاوارەنە ژدەرڤە و ناڤا عیراقێ دا،هندەک دەڤەرێن وان مەترسیا گوهۆرینا دیموگرافی لسەرە،ژلایێ ئاڤەدانکرنێ و خزمەتگوزاریانڤە جهێ هەری زەرەرمەندتر دەڤەرێن ئێزیدیان نەتنێ ژ شنگال بگرە باشیک و بحزان و دەڤەرا وەلات شێخ و هەتا دەڤەرا هەوێریا ژی،ژلایێ کارگێری و سیاسیڤە چ لگۆری پێتڤی پۆست لدەستێ ئێزیدیان دە نینن و هەتا نهۆ ئێزیدیا وەکو کێمەنەتەوەیێن دی کورسیکێن کووتایێ نین نەکو ل پەرلەمانێ عیراقێ و نەیێ کوردستانێ ژی،نەکو ل ئەنجومەنێ پارێزگەها موسل و نە ل دهۆک ژی،ژلایێ لەشکەری و مەترسیێڤە ناکۆکیێن هەری توند لسەر دەڤەرێن ئێزیدیانە ……..هتد)).

ژبەر ڤان ئەگەرێن مە دیارکرین لەورا پۆست دهێن دابەشکرن ئێزیدی دناڤدا نینن،دەڤەر دهێن ئاڤاکرن دەڤەرێن ئێزیدیا دپشت گوهاڤێتینە،بودجە دهێتە تەرخانکرن ئێزیدی ژێ دبێ بەهرن،هەتا کو بەرپرس دهێنە دەڤەرێ سەردانا دەڤەرێن ئێزیدیان ناکەن نموونە ژی سەرەدانا سەرۆک وەزیرێن عیراقێ مستەفا کازمی بوو بەری چەند رۆژان.

لگوری بۆچوونا چاڤدێرێن رەوشا ئێزیدیا هەتا کو ئەڤ جۆرە بەرپرس سەروەرێن ئێزیدیانە و ئەڤ سەروسیما نەهێنە گوهۆرین بارودۆخێ ئێزیدیا چ گهۆرینا بخۆڤە نابینت ژهەمی لایەنانڤە و وەکو چاوا ل سترانەکا فلکلۆری یا ئێزیدی ((سترانا مووسا خاینۆ)) دەقێ سترانێ دبێژێ ((دەلال نە وایا نە نە ب سمبێل بادانایە نە بسواربوونا جێمسایە و نە ب عگال خوارکرنا ڤان قادایە………هتد)) ئەڤ سترانە دیاردکەت رێڤەبرنا مللەتەکی نە ب ڤان سالۆخەتایە،لەورا نهۆ ئێزیدی ((پەڕەکی سڤکن نەکو کەڤرەکی گران و بقیمەتن)) و دگەل پێلەکا بایێ غەربی ژ وەلاتێ خالتا دفرن و لدەڤەرا دووبانا دنا و چیایێ مەقلوب و شنگالێ دکەڤن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close