نووچە

خەلکێ شنگال ل ڤەگەریانێ دە بەردەوامە

ئێزیدی 24 – باسم قاسم

دگەل بۆرینا نێزیکی شەش سالا ل سەر کۆمکوژیا بسەرێ مللەتێ ئێزیدی هاتی ل شنگالێ ب دەستێت داعش و ئاوارە بوونا وان ل هەرێما کوردستانێ جارەکا دی خەلك ڤەدگەریە سەر جهـ و وارێن خوە.

ئەڤر رێکەفتێ 18/ 6 / 2020 ژمارەکە دی ژ خەلکێ شنگالێ ژناڤ کەمپێت پارێزگەها دهۆکێ ڤەگەریانە سەر جهـ و وارێن خوە ل شنگالێ و ئەڤ مالێت ڤەگەریایین بتریا وان وێ چنە گوندێت ل باشوورێ چایێ شنگالێ و سەنتەرێ باژارێ شنگالێ.

خێزانا “مەحموود مەتۆ” یەك ژ وان خێزانا بوو یێت ئیرۆ ژ کەمپا کەبەرتوو ڤەگەریایە ناڤ سەنتەرێ باژارێ شنگالێ،“مەحموود” ب تایبەتی ژ “ئێزیدی24” رە گۆت،“پشتی رەوشەکا ب زەحمەت و بتری پێنچ سالا مە لنێڤ کەمپێ دا دیتی مە ژی بریار دا ئەم ڤەگەرن سەر جهـ و وارێن خوە ل شنگالێ و ژیانە مە ل شنگالێ چاوا دەرباسببێ باشترە ژ ژیانا ناڤ کەمپا”.

و گۆت ژی،“ژ بلی مە ب دەها مالێت دی ژی ب مەرەینە و ئەوژی هەر یەک وێ ڤەگەریە گوندەکی ژ یێت شنگالێ”.

وەیس نایف شنگالی سەرۆکێ جڤاتا قەزا شنگال، تایبەت ژ “ئێزیدی 24” رە گۆت،“خەلکێ مەی بەردەوامە ل ڤەگەرێ دە و ئەم ژی بەردەوام کاردکن دا کاربن خزمەتا خەلکێ بکن”.

دیسانێ گۆت،“هژمارا مالێت کە ڤەدگەرین هەرۆژ زیدە دبێ و خەلکێ مە ب ئیرادەیا خوە ڤەدگەرین و نمەتا کەسی هلنەگرتینە و ئەو ب خوە ڤەگەریانە باژارێ خوەی وێران”.

ئەڤە هەیامەکە ب دەها مالێت ئێزیدی ڤەگەریاینە مالێت خوە ل شنگال و ئەڤ یەک بەردەوامە و تێیە چاڤەرێکرن کە رێژەیەکە باش ژ ئاوارا ڤەگەریێ شنگال.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close