راپورتنووچە

پشتی ل شنگال ترس ل دلێ خەلکێ وێ دە چاندین، فرۆکێت تورکیا ل کەمپا ژی بووینە جهێ مەترسیێ

ئێزیدی 24 ــ لەیت حسێن

پشتی راگەهاندنا ئۆپراسیۆنەکا عەسکەری ئا بەفرەهـ ژئالیێ وەزارەتا بەرەڤانیا تورکیاڤە لسەر هێزێت پارتا کارکەرێت کوردستانێ ل چیایێت هەرێما کوردستانێ، باکووری عیراقێ، و بەردەوامیا ئۆپراسیۆنێت بۆردومانا بۆ چەند رۆژا بووە ئەگەرێ ترس و دل تەنگیێ لبا ئاوارێت ئێزیدی یێت ل کەمپێت نێزیکی چیا دە ئاکنجی، تایبەت ژی کەمپێت قەزا زاخۆ، چێبکە.

لسەر ڤێ یەکێ رە ئاوارێ ئێزیدی “مراد خدر” ئاکنجیێ کەمپا بێرسڤێ ل قەزا زاخۆ ژ “ئێزیدی 24” رە گۆت، کە “چەند جارا هێزێت تورکی جهێت نێزیکی کەمپێ کرینە ئارمانج، و ئەڤ یەکە ژی بووە ئەگەرێ پەیدابوونا ترسێ لبا مە و تایبەت لبا ژن و زاروا”.

زێدەتر گۆت،”بەری چەند رۆژا جهەکی گەلەکێ نێزیکی کەمپێ کرە ئارمانج، و هەکە ئۆپراسیۆن بەردەوام بوون ئەمێ مەجبور بن تەرکا کەمپێ بدن، ژبەر نێزیکیێ ژ جهێت کە ژبا فرۆکێت تورکی ڤە دبنە ئارمانج”.

لسەر هەمان بابەت، ئاوارەکی دی بناڤێ “بەرزان کەلۆ” ژ “ئێزیدی 24” رە پەیڤی و گۆت، “بۆردومانا ئەسمانی ئا تورکیا زوو ب زوو ناسەکنێ، ژبەر ئەڤ چەند سالن تورکیا چیا و دەڤەرێت دی ل هەرێما کوردستانێ باکوورێ عیراقێ ب ئاوایەکی گشتی دکە ئارمانج”.

و زەلال کر، “ب سەر وێ یەکێ دە کە داخوازیکرن ژ دەولەت و رێکخراوێت نیڤ دەولەتی مافەکی شەرعیێ خەلکێ یە هەکە بێژن بلا بۆردومان ب سەکنن لێ چ فیدا وێ یەکێ نینە”.

تێتە زانین کە وەزارەتا بەرەڤانیا تورکیا رۆژا 15/6/2020 ئۆپراسیۆنا (مخلب – النسر) ئا ئەسمانی ل دژی هێزێت پارتا کارکەرێت کوردستانێ ل چەند دەڤەرا ژ هەرێما کوردستانێ و چایێ شنگالێ ل باکوورێ عیراقێ راگەهاندبوو، و پشتی هنگێ ب 48 سەعەتا ئۆپراسیۆنا (مخلب – النمر) ئا ئەردێ راگەهاند، و هیش فرۆکە و هێزیت وێ ل ئەردێ و ئەسمان چیا و دەڤەرێت باکوورێ عیراقێ دکنە ئارمانج.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close