گۆتار

شنگال ژ ئالێ ئابووریڤە بەرەو قۆناغەکە نو

خەلیل دەلکانی

شنگالێ شەش سالێت تژی مالمیراتی و دەربەدەری و خوەلیسەر و فەرمان بۆراندن، ڤان سالێن دوور و درێژێت ودژوار کۆکا شنگالێ بەرەو هلکاندنێ بر ژ هەموو ئالیاڤە، ئێک ژ وان ئالیا کۆکا ئابوورێ شنگالە، کو ل ڤان شەش سالا ل نەبوونا خەلکێ خو دە بێ خوەدان ما، کو ب وێ ڤالایێ زەرەرەکا مەزن گەهایێ.

و ئێکسەر پشکا مەزنا ڤێ خەسارا ئابووری گەها قبلەتی چایێ شنگالێ ئەڤ ژی ژ بەر هەکە زێدەتر شەر و شور و فسەدوومانێن سیاسی لسەر ڤێ ئاخا قبلەت بوون، ل ئالیێ شەمالێ ژی ڤان سالێت دژوار زەرەرا خو هەبوو لی نە وەکە قبلەت، ژبەر شەمال وەکە قبلەت نەکەتە بەر ڤێ پێلا دژوارا شەر و مالمیراتیا درێژ.

هەکە بەرێ خو بدنێ شنگال ژ ئالیێ ئابووریڤە پشتا خوە ب خوەدانکرنا پێز و چاندنا درامەت گڕێدا بوو، ئەڤ هەر دۆ وەکە کۆک و ستوونا ئابوورێ ڤی باژاری بوون، هەروسا ئەم کارن بێژن بەهرەکا زەهفا ڤی خەلکی پەهلەتی ژی دکر. ژبەر شنگال چ کارخانە و جهێن شوغلکارا نەبوون، بتنێ کارخەنەکە چێکرنا چەمەنتوێ بوو و ژ بەرێ دە و هەتا نوهە ژی خەلکێ شنگالێ ژ غێر خەسارێ فدەیەک ژێ نە دیتە.

قۆناغێن مالمیراتیێن ئابووڕێ شنگال تێرا دەربازبووی بکورتی :

قۆناغا ئێکێ: ل 3مەها تەباخێ 2014ێ دەستپێدکا وەرزێ پێگەهشتنا درامەتێ شنگالێ ل ئالیەکی کەسکاتیا ڤی باژاری نو هات بوو حەدێ چنین و لەختکرنێ و ئالیێ دیترێ دەخل و دان وەکە جەهـ و گەنم نو چنی بوون و همشکی ڤالاکری بوون ل با وەرازا و شوغلکارێت شنگالێ، هەروسا پەزێ ڤی باژاری ژ بزن و میهـ و مێشا ل زێدەکرنێ دا بوو و بەرێ ڤی تەرش و تەوالی ژی ژ کەهر و بەرخا ببوون وەکە داکێن خو. کۆ ئەڤ ب کۆکا ئابووری بوون ل شنگال و ب تەمامی کەتنە بەر ئێریشا دژمن چی ل بەر لنگا چووی و چی هاتی تالانکرن، ئەڤ دژوارترین قۆناغ بوو ب سەر ئابوورێ شنگال دە هات.

قۆناغا دووێ: دەربەدەربوونا خەلکێ شنگال ب قۆناغەکا دیترێ ئا وێرانتیێ تێیە هژمارتن د وارێ ئابووری دە، ژبەر ب نەمانا خەلکێ را ل سەر ڤی ئەردی تەمامیا زەڤیا دێم دمینن و ناینە چاندن ئەڤ دبیە سەبەبا سستبوونا ئەردێن چاندنێ ژ بێ گوهدانی.

قۆناغا سیێ: ل ڤێ قۆناغێ دە شەرەکی دژوار لسەر ئاخا شنگالێ بوو و ب سەبەبا ڤی شەرێ مالمیرات گەلەک ژ ماتۆر و سیبا و بیرێن ئاڤێ و ئەردین چاندنێ هاتنە وێرانکرن ئەڤ ژی بوویە ئەگەر هەکه خەلک ژ چاندنا کەسکاتیا و فێکیێ و چاندنا ب فیدە دوور کەڤێ و بتنێ جەهـ و گەنم هاتە چاندن.

قۆناغا چارێ: ئابوورێ شنگالێ وەکە بریندارەکی برین کوور بوو ژبەر بەرهەم دچاندن و دگۆتن هەکە هات و نەهات.

پشتی ڤێ مالمیراتی و وێرانیا ئابووری همی، نوهە هێدی هێدی خەلک ڤەدگەریێ شنگال سەر ئاخا خوە و سەر زەڤیێ خوە، دکارن بێژن شنگال ژ ئالێ ئابووریڤە بەرەو قۆناغەکا نو دچە و تێ بەهوەرکرن هەکە جارەکا دیترێ خوەدانێت پەز بیرا خوە ل خوەیکرنا پێز بینن و ڤەگەرن سەر شوغلێ خوەیێ بەرێ و هەروسا ئەردێن چاندنێ ژی کو بەڕیا قبلی ئەردەکی زێری هەیە ژ چاندنێ رە و هژمارەکا ئێکجار زەهفا ماتۆڕ و سیبا و بیرێن ئاڤێ لێ هەینە بێنە نۆکرن و جارەکا دیتر ئەڤ خەلک دەست ب کارێ خوە بکە و لێ ب شکلەکی جدا و نە وەکە بەری و بەلکی ب گەلەکی باشتر.

دیسا خودانکرنا مێشن هنگڤ کو پشتی فەرمانێ خەلکێ ب ئاواکی بەرفرەهـ دەسپێکر، خودانکرنا مێشێن هنگڤ وەها ب زەهڤی دبێ سەبەبا هەکە قۆناغێن نو و پێشکەتنا ئابووری چێببێ ل شنگال، ژبەر چێدبێ خەلکەک هەبێ نکاربێ کارێ چاندنا درامەت بکە یا نکاربێ پێز خوەدان بکە، دکارێ کارێ خودانکرنا مێشا بکە بڤێ یەکێ شنگال دبێ خودان بدەستکەتیێن جدا جدا ئێن ئابووری ژ قۆناغێن تەنگ دەربازدبێ بەرەو قۆناغێن نو.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close