نووچە

هۆنەرمەند “فەرهاد باعەدری” وێ ئەلبومەکی سترانا بناڤێ “وارێ من” بەلاکە

ئێزیدی 24 ــ لەیت حسێن

ل چەند رۆژەکێت کێم یێت بێ دە، هۆنەرمەندێ ئێزیدی “فەرهاد باعەدری” وێ ئەلبومەکی نوو یێ سترانان کە ژ هەشت سترانان پێکهاتیە بناڤێ “وارێ من” وێ بەلاکە.

هۆنەرمەندێ ناڤهاتی ل دیدارەکێ دە ژ “ئێزیدی 24” رە خوەیاکر، “ئەڤ ئەلبومە ژ 8 سترانا پێکهاتیە و هنەک ژ وان سترانا لسەر وەلات رە ینە و ڤان ئیش و ژانێت کە مللەتێ ئێزیدی تیرە دەرباس دبە”.

هەروەها گۆت، “سترانێت ڤی ئەلبومی ب ڤان ناڤ و نیشاناینە: (1- دیلانە 2- یادێ 3- خانم 4- نەگەهاین هەڤ 5- ژینا مە 6- تە دڤیا 7- بوک و زاڤا 8- وارێ من)، و 6 ستران ژ ڤان ژ پەیڤ و ئاوازێت منن و سترانا بوک و زاڤا ژی هەر ژ پەیڤێت منە لێ ژ ئاوازا شێخ عادل عەبۆیە و سترانا خانم ژ پەیڤێت سفیان دەلکانی و ئاوازێت سالار فائزە”.

“باعەدری” ئاشکەرا ژی کر، “ل هەیامەکا نێزیک دە ئەوێ چەند سترانا ژ ڤان کلیپ بکە و وی بەرهەمێت باش ل بەر دەست هەینە و ل پاشەرۆژێ دە وێ بەلاکە”.

هۆنەرمەند فەرهاد باعەدری ژ دایکبوویێ سالا 1980ێ یە و ل ناحیە باعەدرێ ئا سەر ب قەزا شێخان ڤە هاتیە سەر دنیایێ و ئەو بخوە خەلکێ دەڤەرا شنگالێ یە، و هەیاما زێدەتر ژ 16 سالایە کارێ هۆنەرێ سترانبێژیێ دکە و هەروەها هژمارەکا ئالێت مۆزیکی ژی دژەنە، ناڤهاتی ل سالا 2006ێ کۆچبەری وەلاتێ ئەلمانیا بوویە و هەتا نهوە ژی ل ور ئاکنجی یە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close