راپورتنووچە

خوەدانێت مالێت تەقاندی، داخواز دکن هاریکاریا وان بێیە کرن

هنەک ژێ ڤەگەریاینە و هنەک ڤەنەگەریاینە ئەوێت ڤەگەریاین ژی ل مالێت خەلکێ دەینە یان ب کرێ دروونشتی نە

ئێزیدی 24 – سەعدون حسێن

ل دەمێ چەکدارێت داعش هێرش کریە سەر شنگالی گەلەک تاوان ل دەرحەقی خەلکێ وێ کرن و ژ وان ژی شەوتاندن و خەراکرنا مالێت خەلکێ، بشتی دەرباس بوونا نێزیک شەش سالا ژ ئاواریێ و دووربوونێ ژ شنگال، جارەکە دی دیسا خەلک ب دیتنا شنگالێ کێف خوەشبوون، لێ خانیێت ب سەدا مالباتا ھاتینە خراکرن و شەوتاندن.

خانیێت خەراکری یەکە ژ تالڤەمایێت داعشێ، و خوەدانێت ڤان خانیا داخوازێ ژ حکومەتا عێراقێ و رێکخراوێت نێڤ دەولەتی دکەن خانیێت وان ژێرا بێنە چێکرن یان هاریکاریان وان بێتە کرن ل دووبارە ئاڤا کرنا وان دە دا جارەکە دی ژیان ل وان گوند و کۆمەلگەها ڤەگەرێ.

“ناسر ئیبراھیم” یەکە ژ وان کەسێت کە ل وەختێ داعش هێرش کریه سەر شنگالێ مالا وی ژ ئالیێ وان ڤە ھاتبوو خەراکرن ژ “ئێزیدی 24” رە پەیفت و گۆت،“وەختێ ئەم ڤەگەریاین گەلەک کێف خوەش بوون لێ پرسگرێکێت مەزن ژ مە رە چێبوون ژ بەر کە جیەک نەبوو ئەم بکەڤنێ و ژ بێ مەفەری مە مالەک ب کرێ گرت”.

“ئیبراهیم” گۆت ژی،“ئەم داخواز دکن ژ هەر کەسەکی یان جیهەتەکە بەرپرس چ ژ حکومەتا عراقێ و چ حکومەتا کوردستانێ و چ رێکخراوێت نێڤ دەولەتی دکن کە هاریکاریا مە بکن دا ئەم کاربن مالا خوە جارەکە دی چێکن”.

“ماھر خوەدێدا” یەکە ژ وان کەسێت مالا وی ھاتیە تەقاندن و دخوازێ ڤەگەریە شنگالێ لێ ژبەر نەبوونا جیەکی ھەتا نھوە نکاریە ڤەگەریە شنگال، ژ “ئێزیدی 24” گۆت،“وەختێ دچم گەلەک بھین تەنگ دبم ژبەر کە ھەر جیەکی ل مالا من دا من ھنەک بیرھاتن ھەینە و وەختێ دبینم مالا من یا تەقاندی یە و خەونێت من هەموو بتنێ بووینە بیرھاتنێن نەخوەش دەروونێ من تێک دچە”.

دیار کر ژی،“داخوازا مەیا سەرەکی ئەوە حکومەت ب چاڤەکی مەزنتر ل مە بنێرێ و هاریکاریا مە بکە ژبەر کە هەتا نوها ب هەزارا ژ مە دگرتینە و ب سەدا مالێت مە دتەقاندی نە و ب دەها گۆرێ بکۆم هەینە و کەسەک خوە نا لڤینێ دا هاریکاریا مە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close