راپورتنووچە

تۆپبارانا تورکیا و لڤینێن هێزێن وێ مەترسی ژ جووتیارێن ئێزیدی یێت ئاوارە رە چێکریە

ئێزیدی 24 – سەعدون حسێن

ژمارەیەکە مەزن ژ ئاوارەیێت شنگال ئەڤە بۆ ماوێ شەش سالا یە ل هەرێما کوردستانێ کارێ چاندنا بوستانا و بەرهەمێن هاڤینێ دکن و تایبەت ل قەزا زاخو ل نێزیک سنوورێ تورکیا و پشتی ئۆپراسیۆنا تورکیا ل دژی پەکەکێ ل وان دەڤەرا دەستپێکری مەترسی ژ وان رە چێبوویە.

پشتی 15ـی حزیرانێ تورکیا ھەوەکا سەربازی ل ھەرێما کوردستانێ ب ل دژی گەریلایێن PKK راگەھاندی، ژمارەکا زۆر ژ خەلکێ دەڤەرێن سنوری بوویە ئەرمانجا ئێریشن تورکیا و ژوان جووتیارێن ئیزیدی، گازندا ژ وێ یەکێ دکن کو سوپایێ تورکی گوڵلەیا ب شێوەیەکی بەرەلای(عەشوائی) ب ناڤ جووتیارندا بەر ددا.

پاشا خەلەف ژ “ئێزیدی 24” رە پەیفت و گۆت،“ ئەم جووتیارن و مە چ پەیوەندی ب چ ئالیێت سیاسی ڤە نینە ب تنێ ئەم ھاتینە سەر رسقێ خوە و پەیدا کرنا پارەیێ ژیانێ بەلێ ئەم ب دلەکی ب ترس و زەحمەت ھاتن و چونێ دکن دناڤ بوستانێن خوە دا ژبەر کە نزانن چ دەمێ دکەڤنا بە گوڵلەیێن سوپایێ تورکیا”.

“یاسر سینۆ” یەکە ژ وان جووتیارێن سەر رووبارێ ھیزل ل خاڵا سنووریا تورکیا و عراقێ دبێژیت،“ ب شەڤێ ژ ترسا سوپایێ تورکیا ئەم نکارن چنە با ماتۆرێت خوە یێت ئاڤێ ژ بەر کو ھەر ژ دەمژمێر 6 شەڤێ ھاتە 4 ب چ شێوەیەکی چێنابێ چە سەر رووباری ل ڤی دەمیدا ھەر کەسی بچێت دا ھێتە گوڵلە بارانکرن”.

ھەروسا بەحسێ ل وان ھەردۆ کەسان دکەت ئەوێن ل سالێن بۆریدا ب دەستێ سوپایێ تورکی ھاتینە کوشتن و دبێژێت،“ “عەمەر” ل دەمێ چوونا سەر رووباری ب مەرما ئاڤدانا بوستانێ خوە لێ بەری بگەھیە سەر رووباری ژ لایێ سوپایێ تورکیا ڤە هاتە کوشتن”.

ھەروسا دبێژێت،“ “ماھر” ھاش چ تشتی نەبوو یێ دخەو دابو بەلێ گوڵلەیەکە سوپایێ تورکیا نەھێلا ژ خەو شیار ببە و بەر ب خەوەکە ھەتاھەتای بر و ل سەرێ وی کەت وکوشت”.

ل دوو سالێن بوریدا دوو گەنجێن ئێزدی ل ڤێ دەڤەرێ ب گوڵلەیێن سوپایێ تورکی ھاتینە کوشتن، ئەڤێن نوهەژی ل وان دەڤەرا کارێ چاندنێ دکن ژ وی سیناریۆیی دترسن ئەوێ ماهر و عەمەر پێ هاتینە کوشتن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close