گۆتار

ئێزدینۆ هەرن شنگالێ بكەنە بنگەهێ ئێزدیاتیێ و ئێزیدخانێ

پیر هەڤال باعەدری

سەبارەت كاودانێن نها كوردستان و عراقستان دگەڵ پێكهاتە و نەتەوە و مەزهەب و ئاینێن جودا جودا تێدا دەرباز دبن دئەڤێ قۆناغێ دا بۆ هندێ یە كو هەر لایەك ب سەرفەرازی بژیت دجهی و وارێن خۆ ل سنۆرێ خۆ یێ دیار كری دا ئەگەر بهێن بەرێ خۆ بدەینێ لایەنێ شیعی ل عراقێ دا هەول و بزاڤێن سەرکرداتی و رێبر و مەرجەعێ ئەوان كار لسەر پێگەهێ یەكرێزی و تەبایێ دناڤ مالا شیعی دكەن و كار ژبۆ بەرژەوەندیا خەلكێ خۆ ئەنجام ددەن د چارچوڤێ بیر و باوەریێن مەزهەبی یێ ئەوان و ئەگەر بحسێ لایەنێ سونی ژی بكەین هەمان رێك گرتینە بەر دەربارەی ئەڤێ چەندێ و لسەر ئاستێ ژ دەرڤە ژی ئەم د كارین ئاماژێ پێ بدەین كو رێكەفتن و كۆمەلە و یەكگرتن ئەنجام داینە و پەیوەندیێن خۆ گەڵ ئێك موكوم تر كرینە و لایەنێ كوردی ژی هەمان هزر و بیری هەنە د ئەڤی بواری دا هەمیان پێكڤە یەك خەون و یەك ئارمانج هەیە ژبۆ دەست ڤە ئینانا دەستهەلاتێ ب تایبەتی ل سنوورێ خۆ دا دەستهەلاتێ بگرین ژبۆ خزمەت كرنا خەلكێ خۆ د ئەڤێ قۆناغا نها دا.

لەورا ل ڤێدەرێ ئەز دخوازم یەكبوونا ئێزدیان چێببیت و گیانێ لێبورینێ و یەكرێزی و تەبایێ و یەكتر قەبولكرنێ و دەست ژ نفاقێ و دوو بەرەكییێ و كەرب و كین و شكاندنا ئێك و دوو بەردین بلا بەس بیت ما هەتا كەنگی خەلكێ مە یێ ئێزدی ناس و خودێ ناس دێ بیتە قوربانیێن موزایدە و بازرگانی و بەرژەوەندیێن ئەڤان جۆرە مرۆڤێن نەفس نزم و بێ وژدان ئەگەر ئەم بتنێ بۆ یەك دقیقەكێ ئەوێ جینۆسایدا ئێزدیان ل چیایێ شنگالێ ل بیرا خۆ بینین ئێكسەر دەمێ دوژمنێ بێ وژدان هێرش ئیناینە سەر خەلكێ مە بێ دوو دلی د كوشتن و ژناڤبرن و كۆمكوژی ئەنجام دان نە دگۆتن ئەڤە فلانە و ئێدی بێڤانە، ل ڤێدەرێ ئەگەر باش هزرا خۆ بكەین دوژمنێ دۆزا گەلێ مە یێ ئێزدی ل ئێزیدخانێ و جیهانێ ئێكە ڤێجار ئەگەر د ئەڤێ قۆناغا نها دا ئەم ئێك نە گرین دێ ئەم چین ئێك ب ئێكە هەتا نوكە دوژمن و نەحەزێن مە پلانا ژ ناڤبرنا مە دادرێژن لەورا هێشتا دەلیڤە یەكگرتنێ هەیە بس جورئەتا یەكتر قەبولكرنێ نینە دناڤ مالا ئێزدیان دا ل ئێزیدخانێ مخابن.

ئەگەر ئەم بەرێ خۆ بدەینێ ژ لایێ ئیدارە و ڕێڤەبەریا ئێزدیان ل ئێزیدخانێ ژ هەمی لایەكی ڤە گەلەك باشە و باشترە ژ یێن گەلەك پێكهات و مەزهەب و ئاینێن دی تر لێ ب مخابنی ڤە كریار مە نینە بس مە هەیكل و گوتنێن بێ كریار هەنە خۆ مەزن ژی دبێژین هەزار گۆتن قوربانی ئێك كریارێ بن ، ئەگەر ئەم هەمی تشتان ل بەر دەستێن خۆ دانن ژ هەمی لایەكی ڤە و ئەوان زانیاری و داتایێن ئۆلی و ئاینی و جڤاكی و عشائیری و سیاسی و كەلتوری و رەشەنبیری و ئەكادیمی و زانستی و مێژوویی و جوگرافی و سنووری و تەخا گەنج و لاویێن مە یێن خودان هێز و شیان د هەمی بوارێن جودا یێن ژیانێ دا بینین و بەر نوكە مە ئێزدیان میرەك هەبوو هەزار رەحم ل گیانێ وی بن خودێ ژێ ڕازی میر تحسین بك میرێ ئێزدیان ل عیراقێ و جیهانێ بوو بەلێ پشتی قەدەم گۆهاستنا میر و لسەر وەسیەت و نەسیحێن وی خودێ برەحمینێت گۆتبوو بلا ئێزدی بۆ خۆ میرەكی دەست نیشان بكەن پشتی ئەنجام دانا جڤینێن تایبەت یێن بنەمالێن میران گەهێشتنە رێكەفتنەكە مەزن بۆ رێكخستنا ناڤ مالا میران هەر بنەمالەكێ كارەك پێ ڕاسپادن ژبۆ خزمەت كرنا ئێزدیان و ئێزیدخانێ .

یا من دڤێت ئاماژێ پێ بدەم ل ڤێدەرێ ئەگەر بەری قۆناغا نها ئێزدیان میرەك هەبیت نوكە ژی مە میرەك دگەڵ چەند وەكیلێن میری هەنە و هەر دیسان و گەلەك كەسێن دی تر یێن دناڤ مالا میران هەنە ئەو ژی رولێ خۆ دگێرن و خزمەتێ ژی دكەن و دەستێ هاریكارێ درێژ كرینە و جهێ دەستێن ئەوان د گەلەك بیاڤێن جودا دا یێن خزمەت كرنا جڤاكێ ئێزدیان و كار كرینە مل ب ملێن میری و وەكیلێن میری ئەڤ چەندە ژی بوویە جهێ دلخۆشیێ و ژلایەكی دی ڤە مە ئەنجوومەنێ روحانی یێ ئێزدیان هەیە بۆ كاروبارێن ئۆلی و ئاینی و جڤاكی د ئەڤێ قۆناغێ دا دكارین گەلەك پێنگاڤێن باش باڤێژین ژبۆ خزمەت كرنا ئێزدیاتیێ و جڤاكێ ئێزدیان و هەروەسا دكارین هندەك ریفۆرمێن ئولی و ئاینی و جڤاكی و كلتوری و ریفۆرمێن داب و نەریتێن باب و باپیران بكەین و ئەڤ ریفۆرمە كو بگونجیت دگەڵ دچارچۆڤێ بارودۆخ و هەلومەرجێن نها دهێنە ئەنجام دان لگور ئەڤی سەردەمی كو سەردەمێ عولمێ و پێشكەفتنێ و تەكنەلۆجیایێ و گرێدای سیستەمێ پرۆسا دبلۆماسیەتێ و ل دەڤەرێ و هەتا لسەر ئاستێ نێڤ دەولەتی ژی ژبەركو ئەڤ قۆناغ هوسا دخوازیت.

ئەگەر ئەڤ تشتێ مە دیار و ئاشكرا كری نە هێتە كرن و بهێتە رەت كرن و قەبوول نەكەن جڤاكێ ئێزدیان ب تایبەتی تیخا كار بدەستێن ئێزدیان دگەڵ رەشەنبیری و ئەكادیمی و چالاكڤانێن ئێزدیان ئەوێن نها سەرەدەریێ و رێبەریا مڵلەتێ مە دكەن د ئەڤان كاودانێن سەخت و دژوار و مەترسیدار دا ئەرێ دێ چاوا داخوازیێن مڵلەتێ خۆ

ژ كۆمەلگەهێ نێڤ دەولەتی كەین و ئەڤان رێكخراوێن مافێ مرۆڤان و دەزگەهێن خێر خوازی یێن نێڤ دەولەتی ئەوێن سەردەمێ كەفتنا شنگالێ و كۆمكوژیا ئێزدیان ل چیایێ شنگالێ ب هاوار و قێریا زارۆكێن مە هاتین ژ وی سەردەمی و هەتا نوكە بەردەوام دەستێ هاریكاریێ بۆ خەڵكێ مە درێژ كری و خۆ ل ئێش و برین و نالینێن مە كرینە خودان ب شەڤ و رۆژ بەردەوامی داینە كارین خۆ یێن مرۆڤایەتیێ و فشارێن ئەوان لسەر حكومەتێ و لسەر دەولەتێن زاڵ هێز و هنارتنا چەكی و هاریكاری ژبۆ ژناڤبرنا مەزنترین رێكخراوا تیرۆریستی یا بناڤێ داعش ل شنگالێ و لسەر سنوورێ هەرێما كوردستانێ و ناوچێن سونە نشینێن ل عراقێ ئەڤ چەندە هەمی ب پەیام و داخوازیێن ئەوان هاتنە ئەنجام دان د قۆناغا بۆریدا هێشتا ئەم وێ ل بن چادر و خیڤەتێن ئەوان و نانێ ئەوان دخوین ئەگەر ئەو چوون دڤێت ئەم چ بكەین و كیژوان بەدیلی بكاربینین بەرنامە و پلان و ئارمانجا ئەستراتیجی دێ چاوا هێنە دانان كی دێ دانێت لسەر چی بنەمایە ئەڤ چەندە و چەندەكا دیتر دهێتە گۆتن بۆ زانین ژبەر هندێ كو جارەكا دی ئێزدی ئێزدیاتی و ئێزیدخان نە بیتە قوربان و رووبارێن خوینێ ژ دل و هناڤێن مە بهورین لەورا دبێژم ئێزدینو هەرن شنگالێ بكەنە بنگەهێ ئێزیدخانێ و بگێرین كەیف و خۆشی و دیلانێ .

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close