راپورتكوردستان

خوەندەڤانێت شنگال یێت خوەندنا کوردی یێت ل دهۆک هاتینە کەرەنتینکرن داخوازا هاریکاریێ دکن

خوەندەڤانەک ژ وان : “ داخوازا لێبۆرینێ ژ داکا خوە دکم”

ئێزیدی 24 – دياب غانم

پشتی کە داخوازکرین چارەیەک ژێرە بێیە دیتن و بێنە گوهاستن بۆ هەرێما کوردستانا عراقێ دا ئەزموونێت ویزاری یێت کە چارەنڤیس و پاشەرۆژا وان دیار دکن بکن، حکومەتا هەرێما کوردستانێ هاتە سەر خەتێ و ئەو ڤەگوهاستنە پارێزگەها دهۆک.

پشتی هاتینە دهۆک ل فندەقا دە هاتنە کەرەنتینکرن و حکومەتا هەرێمێ هەموو تێچوویێن ماینا وان ل ور ب ستۆ خوەڤە گرتن لێ قوتابی ژبەر تەنگیا جیهی و کێمیا خوارنێ دناڵن.


خوەندەڤان “کیفاح خێرۆ” ژ “ئێزیدی 24” رە پەیفت و گۆت،“ئەم وەکە خوەندەڤانێت پۆلا دوانزدێ ئامادەیی یێت کە هاتینە کەرەنتینکرن ل دهۆکێ ژبەر تەنگیا جیهی دناڵن و ئەڤ یەک وێ تەعدێ ل مە هەمووا کە و تەعدە وێ ل نمرەیێت مەژی بێ ژبەر کە ئەم نکارن بخوەندن”.

هەروسا گۆت،“ئەم سوپاسیا حکومەتا هەرێما کوردستانێ دکن ژبەر ئەڤ یەکە کە ب مە رە کرین و ئەم ژێ دخوازن چارەیەکە مە بێیە دیتن یان ژی تەعبا مە وێ ل بەر با چە و بدەستڤە ئانینا ئەنجامەکی باش کە داک و بابێت مە ئەڤ چەندە ل هیڤیێ وێ ب زەحمەت کەڤێ و خەونا مە وێ بیە تنە”.

هەروسا خوەندەڤان “عزەت ئیسماعیل” ژ “ئێزیدی 24” رە پەیفت و گۆت،“رەوشا مە گەلەک ب زەحمەتە ژبەر کە ئەم نکارن بخوەندن، قالا بەردەستکرنا ژینگەهەکە باش ژ خوەندەڤانا رە دکرن دا ئەزموونا ئەنجام بدن لێ ئەڤ ژینگەها ئەم تێدە دژین گەلەکێ دوورە ژ ئەوا کە وان دگۆت”.

دیسانێ گۆت،“ئەم داخوازێ ژ جیهەتێت بەرپرس دکن کە ئەو خوەندەڤانێت کە مالێت وان ل هەرێما کوردستانێ و هاتین کەرەنتین کرن بێنە رەوانەکرن بۆ مالێت وان دا جیهێ مە فرەهـ ببێ و ئەم کاربن بخوەندن و هەکە وسا نەبێ ئەم داخوازا لێبۆرینێ ژ مالێت خوەدکن ژبەر ئەم ب سەر ناکەڤن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close