راپورتنووچە

کۆچ و کۆچبەران لقێ دهۆک: وەک تێکرا هەرۆژ نێزیکی 80 پەسەندی ڤەگەرێ تێیە چێکرن

ئێزیدی 24 ــ لەیت حسێن

وەزارەتا کۆچ و کۆچبەرێن عراقێ ڤەگەریانا 5700 ئاوارەی ئێزیدی بۆ قەزا شنگالێ و دەوروبەرا راگەهاند و لقێ دهۆک یێ هەمان وەزارەتێ ژ “ئێزیدی 24” رە کوژمە پارەیێ کە ژ وان رە هاتیە دەستنیشانکرن و هاریکاریێت کە وێ ژ وان رە ل هەیاما بێ دە ئێنە دابینکرن ئاشکەران کر.

ل سەر وێ یەکێ رە “موحەمەد بەبەواتی” بەرپرسێ پەیوەندی و راگەهاندنێ ل فەرمانگەها وەزارەتا کۆچ و کۆچبەران لقێ دهۆک ژ “ئێزیدی 24” رە پەیڤت و گۆت،“ل هەیاما تالی دە هژمارا مالێت ڤەگەریاینە قەزا شنگال و دەوروبەران گەلەک زێدە بوویە”.

و “بەبەواتی” دوپاتکر،“رۆژانە پەسەندێت ڤەگەرێ ژ هژمارەکا مەزنا ئاوارەێت ئێزیدی یێت کە ل کەمپێت سنوورێ پارێزگەها دهۆکێ ئاکنجی رە تێنە چێکرن، و ل ئاستەکی ناڤەندی دە رۆژانە دناڤبەرا 70- 80 مالی”.

ئاماژە ب وێ یەکێ ژی کر،“زانیاری هەینە کە کوژمەکی دراڤی ژ ئەوێت کە ڤەگەریاین رە هاتیە دەستنیشانکرن ژبا وەزارەتا کۆچ و کۆچبەرێن عراقێ ڤە کە بەهایێ وێ مەلیۆن و نیڤەک دیناری عراقی یە، لێ هەتا نهوە ئەڤ نە 100% یە و ئەڤ پێشنیارە ل بن خواندنێ دەیە”.

زێدەتر گۆت،“بەشێ ڤەگەریانێ ل وەزارەتێ رادبێ ب بەلاکرنا کارتۆنێت ماددەیێت خوارنێ و یێت پاقژکەر لسەر وان مالێت کە ڤەگەریاینە شنگال و دەوروبەرا”.

و “بەبەواتی” ژ “ئێزیدی 24” رە هژمارا مالێت ڤەگەریاینە قەزا شنگال و دەوروبەرا ئاشکەرا کر و گۆت،“ هەر وەک وەزارەتێ راگەهاندی هژمارا ڤەگەریایا 5700 دەرباسکر و ل ڤان رۆژا دە هنەک مالێت دی ژی ڤەگەریان و تێتە پێشبینیکرن ل هەیاما بێ دە گەلەک مالێت دی ڤەگەرن”.

بەبەواتی زەلال ژی کر،“مالێت کە هیش ل کەمپێت ئاوارەیێ دە ل پارێزگەها دهۆکێ ل هەرێما کوردستانێ ماین لگۆری ئامارا مەها حزەیرانێ هژمارا وان 29612 مالن و ب تەئکیدی ڤە ژ پێشیا ڤێ مەهێ ڤە و هەتا نهوە ژ کێم ڤە ژ هەر کەمپەکێ 20 هەتا ب 25 مالێت دی ڤەگەریاینە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close