نووچە

ئەرێ ئێزدی مللەتەكی برچینە یان مللەتەكی نەساغن؟

‎پیر هەڤال باعەدری

‎بێ گومان هەر قۆناغەكە بهێتە پێش مرۆڤ ژی دكەڤیتە بەر پێلێن ئەوان روودانا و پێشهاتەیا و گۆرانكارییان .

‎ د چارچۆڤێ ئەوێ ژینگەها هەمی پێكڤە تێدا دژین چ ب جیاوازی بیت یان بێ جیاوازی و چ ب یەكسانی بیت یان بێ یەكسانی بیت یان ب هەمی رەنگێن ژیانێ ڤە چ ب خۆشی یان نە خۆشی بیت ل گۆر ئەوان یاسایێن هاتنە دارشتن بۆ ئەوێ ژینگەهێ .

‎ئێزدی مللەتەكی هەری كەڤن و دێرینە و ئەڤ كەڤناتییە ئێزدیان ژی دزڤرێت بۆ سەردەمێ دەستپێكا ژین و ژیانێ لسەر رووێ ئەڤی گەردونێ نها ئەم هەمی تێدا دژین و هەتا گەهشتیە ئەڤێ قۆناغا پێشكەفتنێ بەرفرەهیێ و هێشتا ئەم ب پاشكەفتی و نەزان دهێنە هژمارتن لسەر ئاستێ ژدەرڤە و ناڤخۆی دا ، ئانكو ئێزدیان ب خۆ دا ژبەركو مە بخۆ هەندەك كێشە و ناكۆلكی هەنە و هەر ئەم ب خۆ ژی ئەگەرێن ئەڤێ چەندێنە چونكی مە ژی كوێلە هەنە و رێژەكا مەزن ژ ئێزدیان كرینە قوربان ژبۆ بەرژەوەندیێن خۆ یێن تایبەت .

‎پاشكەفتن و نەزانین و قۆر بەرسەری یا ئێزدیان ژی دزڤریت بۆ ئەوان كەسێن خۆ ب رەوشەنبیر و زانا و عاقلدار و فەیلەسوف و دیندار و دەروێش و مرید و رێبەر و خزمەتكارێن ئێزدیان دانای ب تایبەتی كەسێن دوو روو و خۆ ب پالەوان نیشاندای و رێكلامێ دكەن ژبۆ بەرژەوەندیێن خۆ یێن بەر تەنگ لێ ئەو كەس نها روو رەشن و شكستینە و دناڤ خێزانا خۆ و جڤاكی دا ئەرێ دێ چاوا مللەتەكی برێڤە بەن ئەز ڤێ نزانم مللەت دزانیت كی دۆستە و كی دۆژمنە لێ مخابن نە هەمی مللەت ؟!

‎برێڤەبرنا مللەتی نە ب گۆتنا دوو سێ پەیڤانە یان ئەنجامدانا دوو سێ كریارانە ، رێڤەبرنا مللەتی ب قۆربانیدانێن روحی یە دڤێت ژبۆ بوونا مللەتێ خۆ روح و گیانێ خۆ بكەیە قۆربان گەلەك جانگۆری و مێرخاس و عەگیدێن مە سەرێ خۆ ل رێیا ئێزدیان دا نوكە چرایێ ئەوان د دل و هناڤێن ئێزدیان دا یێ هلكریە بۆ سەركەفتنێ نەك وەكی ئەڤان روو رەشێن نها لسەر شاشێن تلفزیونێن دوژمنی مللەتێ خۆ وێ دكەنە پەیزە بۆ سەركەفتنا خۆ و نزانم ئەو كی پەلەوانێ ئێزدیان گەهشتیە جهێ بڕیارێ و دەستێن وی دپاقژ و دەستێن وی درێژ بۆ خزمەتكرنا مللەتێ خۆ بلا بەس بیت ب دەرەو گرارا ئێزدیان گەرم نابیت.

‎ ئێزدی مللەتەكی برسینە سەدا سەد بەس ئەم ئێزدی برسیێت ئاشتی و ئازادیێنە نەك برسیێت خوارنێ و ڤە خوارنێ نە و دنەساغن ژی سەدا سەد بەس ئەم نە نەساغێ ل نەخۆشخانێ داین مللەتێ مە نەساغێ دەستێ نەزان و خۆفرۆش و جاش و خائیناینە لەورا ئەم بووینە قۆربانیێن هندەك كەسێن بێ رەوشت و بێ وژدان و ئەو كەس ژی دبێ هەست و سۆزن و ئەوان چارەنڤیسێ مللەتێ مە یێ ئێزدی د مەترسیێ كرینە و بێ هیڤی و بێ ئۆمێد كرینە و ئەم گەهاندینە ئەڤێ قۆناغێ و جارەكا دی وێ هەوڵ ددەن دەستێن خۆ یێن پیس ب خوینا ئێزدیان بشۆن ئێزدی ژی وێ د خەوا گراندا دنڤستینە دبێ خودانن و كەسی هاژێ نینە .

‎ئەڤێ جارێ ئەو دوژمنێ ئەم فرۆتین و بازرگانی ب شەرەف و كەرامەت و بیرو باوەر و پیرۆزیێن مە و خوینا كچ و دایك و باب و زارۆكێن مە كرین نە بەس مللەت بتنێ خۆ خودێ ژی رێكێ نادەت یێن وەكی ئەوان رێبەریا مللەتی بكەن بەس هندەك جارا دنیا یا كەسێن زەعیف و لاوازە و ئاخرەتێ ئاگرێ جەهنمێ یێ ئەوانە بلا باش بزانێن ئەڤێ یەكێ و كەسێن هەنە دبێ غیرەتن دێ پلە و پۆستا وەربگرن ژبەر ئەوێ بێ وژدانیا ئەوان ئەنجام دای بەرامبەر ئێزدیان و ئێزدیاتیێ نەك ژبەر سوفی و دەروێشییا ئەوان و ئەو پەرۆیێ ئەوان ل ئەوی شەروالێ دریایی دای ئەو پەرۆ بخۆ وێ دریایی و پەرۆ ژی نوكە یێ وەلێهاتی ناهێتە پەرۆ كرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close