راپورتنووچە

هاریکاری لسەر رزگاربوویێت دەستێ داعش تێنە بەلاکرن

ئێزیدی 24 ــ لەیت حسێن

نڤیسینگەها رزگارکرنا رەڤاندیێت ئێزیدی ل پارێزگەها دهۆکێ راگەهاند کە کۆمەکا هاریکاریان ب هەماهەنگی ب وەزارەتا کۆچ و کۆچبەرێن عیراقێ رە لسەر رزگاربوویێت دەستێ داعش تێنە بەلاکرن.

لسەر ڤێ یەکێ رە “حسێن کۆرۆ” بەرپرسێ ڤێ نڤیسینگەهێ ژ “ئێزیدی 24” رە خوەیاکر،“نهوە مە وەکە نڤیسینگەها رزگارکرنا رەڤاندیێت ئێزیدی ل پارێزگەها دهۆکێ ب هەماهەنگی ب وەزارەتا کۆچ و کۆچبەرێن عیراقێ رە دەست ب بەلاکرنا هژمارەکا هاریکاریان کریە بسەر رزگاربوویێت دەستێ داعش”.

هەروەها زەلال کر،“ ئەڤ هاریکاری پێکهاتینە ژ چار کارتۆنان كو کەل و پەلێت خوارنێ و کەرەستێت پاقژکرنێ و جل و بەرگ تێدەنە و ژ ئالیێ کۆچ و کۆچبەرێن عیراقێ لقێ دهۆکێ ڤە هاتینە دابینکرن”.

دا زانین ژی،“پتر ژ 3500 رزگاربوویێت دەستێ داعش وێ ژ ڤان هاریکاریان مفا وەرگرن و هەر رزگاربوویەک ژ هەردوو رەگەزان وێ چار کارتۆنان وەرگرە”.

ناڤهاتی دوپات کر،“هەر تشتێ ژ وان بێت وەک نڤیسینگەها رزگارکرنا رەڤاندیێت ئێزیدی ئەو وێ گەهیننە رزگاربوویان و هەر چ ژ وان رە بێتە کرن ژی ل ئاستێ پێدڤی دا نینە ژبەر کە ئەو ب توندترین ئاوا هاتینە ئازار دان”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close